అరెస్టుపై కేంద్రానికి బాబా రాందేవ్ సవాల్!

యోగా గురువు బాబా రాం​దేవ్​ మరో వివాదానికి తెరతీశారు. ప్రభుత్వానికి దమ్ముంటే తనను అరెస్టు చేయాలని ఆయన సవాల్​ చేస్తున్న వీడియో ప్రస్తుతం వైరల్​ అవుతోంది.

'దమ్ముంటే నన్ను అరెస్టు చేసుకోండి' అని కేంద్రానికి సవాల్​ విసిరారు యోగా గురు బాబా రాందేవ్. ఇందుకు సంబంధించిన ఓ వీడియో ప్రస్తుతం సామాజిక మాధ్యమాల్లో వైరల్​ అయింది. ప్రభుత్వం తనను అరెస్టు చేయడం అసాధ్యమని వ్యాఖ్యానించారు. ట్విట్టర్​లో #ArrestRamdev హ్యాష్​ ట్యాగ్ ట్రెండ్ కావడంపై ఈ విధంగా స్పందించినట్లు తెలుస్తోంది. అయితే ఈ వీడియో ప్రామాణికతపై స్పష్టత లేదు.

అల్లోపతి వైద్యం, వైద్యులపైన ఇటీవల బాబా రాందేవ్​ వివాదాస్పద వ్యాఖ్యలు చేశారు. రాందేవ్​ వ్యాఖ్యలపై సర్వత్రా విమర్శలు వ్యక్తమయ్యాయి. ఈ నేపథ్యంలో పలువురు రాందేవ్​ను అరెస్టు చేయాలంటూ ట్విట్టర్​ ద్వారా డిమాండ్​ చేశారు.

ఇదీ చదవండి :రాందేవ్ బాబాపై రూ.1000 కోట్ల పరువునష్టం దావా