వచ్చే ఏడాది గుజరాత్లో జరగనున్న అసెంబ్లీ ఎన్నికల్లో అన్ని స్థానాలకు పోటీ చేయనున్నట్లు ఆమ్ఆద్మీ పార్టీ అధినేత, దిల్లీ ముఖ్యమంత్రి అరవింద్ కేజ్రీవాల్ ప్రకటించారు. రాష్ట్రంలో అధికార భాజపా, ప్రతిపక్ష కాంగ్రెస్లకు సరైన ప్రత్యామ్నాయం.. ఆప్ అని వెల్లడించారు. అహ్మదాబాద్లో సోమవారం పార్టీ కార్యాలయ ప్రారంభోత్సవం సందర్భంగా ఈ వ్యాఖ్యలు చేశారు.
"దిల్లీలో విద్యుత్ ఉచితంగా ఇస్తుంటే గుజరాత్లో మాత్రం ఎందుకివ్వరని ఇక్కడి ప్రజలు ఆలోచిస్తున్నారు. 70ఏళ్లలో ఆస్పత్రుల పరిస్థితి ఏమాత్రం మెరుగుపడలేదు. కానీ మార్పు ఇప్పుడు మొదలవుతుంది."