ఎన్నికల వేళ.. దినకరన్‌పై కేసు నమోదు

ఏఎంఎంకే ప్రధాన కార్యదర్శి టీటీవీ దినకరన్​పై కేసు నమోదైంది. అన్నాడీఎంకే నేతల పరువుకు నష్టంకలిగించేలా వ్యాఖ్యలు చేశారంటూ ఆ పార్టీ కార్యకర్త చేసిన ఫిర్యాదుతో పోలీసులు కేసు నమోదు చేశారు.

తమిళనాడు ఎన్నికల వేళ ఏఎంఎంకే ప్రధాన కార్యదర్శి టీటీవీ దినకరన్‌పై కేసు నమోదైంది. ఈ నెల 23న జరిగిన ఎన్నికల ప్రచారంలో ముఖ్యమంత్రి పళనిస్వామి, డిప్యూటీ సీఎం పన్నీర్‌ సెల్వం, న్యాయశాఖ మంత్రి షణ్ముగమ్‌ల పరువుకు నష్టం కలిగించేలా దినకరన్‌ వ్యాఖ్యానించారని ఆరోపిస్తూ పోలీసులకు ఫిర్యాదు అందింది.

అన్నాడీఎంకే నేతల పరువుకు నష్టంకలిగించేలా వ్యాఖ్యలు చేశారంటూ ఆ పార్టీ నేత బాబు మురుగయన్‌ ఫిర్యాదు ఆధారంగా పోలీసులు దినకరన్​పై పలు సెక్షన్ల కింద కేసు నమోదు చేశారు. ఏప్రిల్‌ 6న తమిళనాడులో అసెంబ్లీ ఎన్నికలు జరగనున్నాయి.

ఇదీ చూడండి:కోవిల్​పట్టు నుంచి ఎన్నికల బరిలో దినకరన్​