తృణమూల్ కాంగ్రెస్ జాతీయ ప్రధాన కార్యదర్శి అభిషేక్ బెనర్జీ సహా పార్టీ కార్యకర్తలపై త్రిపురలో జరిగిన దాడిపై బంగాల్ సీఎం మమతా బెనర్జీ మండిపడ్డారు. ఈ ఘటన వెనక కేంద్ర హోంమంత్రి అమిత్ షా హస్తం ఉందని ఆరోపించారు. ఇందుకు ఆయనే బాధ్యత వహించాలని అన్నారు. ఇలాంటి చర్యలకు తాను తలవంచబోనని దీదీ స్పష్టం చేశారు. త్రిపురలో గెలిచేది తామేనని ధీమా వ్యక్తం చేశారు
ఆదివారం జరిగిన ఘర్షణలో గాయపడిన టీఎంసీ కార్యకర్తను దీదీ పరామర్శించారు. కోల్కతాలోని ఎస్ఎస్కేఎం ఆస్పత్రికి వెళ్లి బాధితుడితో మాట్లాడారు.
"త్రిపుర, అసోం, యూపీ రాష్ట్రాల్లో భాజపా అరాచక పాలన నడుస్తోంది. కాషాయ పార్టీ అధికారంలో ఉన్న ప్రతి చోట పరిస్థితి ఇలాగే ఉంది. అభిషేక్తో పాటు పార్టీ కార్యకర్తలపై జరిగిన దాడిని ఖండిస్తున్నాం. కేంద్ర హోంమంత్రి మద్దతు లేకుండా ఇలాంటి దాడులు జరగవు. త్రిపుర పోలీసుల ఎదుటే ఈ దాడి జరిగింది. వారు మౌన ప్రేక్షకుల్లా ఉండిపోయారు. ఇలాంటి దాడులు చేయాలని ఆదేశించే ధైర్యం త్రిపుర ముఖ్యమంత్రికి లేదు. ఈ ఘటన వెనక ఉన్న హస్తం కేంద్ర హోంమంత్రిదే."