పెళ్లి మండపంలోనే నూతన వధూవరులపై యాసిడ్ దాడి జరిగింది. ఓ గుర్తు తెలియని వ్యక్తి.. ఈ దారుణానికి పాల్పడ్డాడు. ఘటనలో పెళ్లి కూతురు, పెళ్లి కొడుకు తీవ్రంగా గాయపడ్డారు. మరో పది మందికి సైతం గాయాలయ్యాయి. బిహార్లో ఈ ఘటన జరిగింది. ప్రస్తుతం బాధితులంతా ఆసుపత్రిలో చికిత్స పొందుతున్నారు. పెళ్లి వేడుకల్లోనే నూతన దంపతులపై ఈ దాడి జరగడం వల్ల.. కుటుంబ సభ్యులు ఆవేదన వ్యక్తం చేస్తున్నారు.
పోలీసులు తెలిపిన వివరాల ప్రకారం.. బస్తర్ జిల్లాలోని అంబల్ ప్రాంతంలో ఈ ఘటన జరిగింది. పెళ్లికి వచ్చిన ఓ దుండగుడు.. ఈ దారుణానికి పాల్పడ్డాడు. పెళ్లి వేడుక జరుగుతుండగా.. దాదాపు 7 గంటల ప్రాంతంలో అకస్మాత్తుగా కరెంట్ సరాఫరా నిలిచిపోయింది. దీన్ని ఆసరాగా తీసుకున్న దుండగుడు.. పెళ్లి కూతురు, పెళ్లి కొడుకుపై యాసిడ్ పోశాడు. దీంతో వారంతా తీవ్రంగా గాయపడ్డారు. బాధితులందరిని మొదటగా భన్పురీ సివిల్ హాస్పిటల్కు తీసుకువెళ్లినట్లు పోలీసులు తెలిపారు. అనంతరం అక్కడ ప్రాథమిక చికిత్స అందించి.. మైరుగైన వైద్యం కోసం జగదల్‌పూర్‌లోని మహారాణి హాస్పిటల్ తరలించినట్లు వారు వెల్లడించారు. దీనిపై కేసు నమోదు చేసుకున్నామని.. పూర్తి స్థాయిలో విచారణ జరుపుతామని వారు పేర్కొన్నారు.
మహిళపై భర్త, ప్రియుడి యాసిడ్ దాడి..
కొంత కాలం క్రితం ఓ వివాహితపై ఆమె భర్త, ప్రియుడు కలిసి యాసిడ్ దాడికి పాల్పడ్డారు. ఈ ఘటనలో బాధితురాలి ముఖం, చేతి భాగం తీవ్రంగా కాలిపోయాయి. మహారాష్ట్ర విరార్లోని నాలాసోపారాలో ఈ దారుణం జరిగింది.
నాలాసోపారాకు చెందిన కరిష్మా అలీ(20)కి తౌఫిక్ అనే వ్యక్తితో వివాహమైంది. అయితే కరిష్మాను ఆమె భర్త తౌఫిక్ నిత్యం కొడుతుండేవాడు. ఈ క్రమంలో బాధితురాలు అతడిని దూరంపెట్టి.. అదే ప్రాంతానికి చెందిన కమ్రాన్ అన్సారీ అనే వ్యక్తితో సహజీవనం ప్రారంభించింది. అయితే కమ్రాన్.. కరిష్మాను పెళ్లి చేసుకునేందుకు నిరాకరించడం వల్ల అతడిని కూడా వదిలేసింది.
ఆ తర్వాత నాలాసోపారాకు చెందిన కమల్ ఖాన్తో కలిసి ఉంటోంది. ఈ విషయం తెలుసుకున్న కరిష్మా భర్త తౌఫిక్, ప్రియుడు కమ్రాన్ అన్సారీ ఆమెతో గొడవపడ్డారు. కమల్ ఖాన్తో కలిసి ఉండొద్దని హెచ్చరించారు. అయితే బాధితురాలు కమల్తోనే కలిసి ఉంటానని చెప్పింది. ఈ క్రమంలో బాధితురాలిపై కోపం పెంచుకున్నారు ఇద్దరు నిందితులు. సోమవారం రాత్రి బాధితురాలు కరిష్మా నిద్రిస్తున్న సమయంలో ఆమెపై యాసిడ్ పోసి పరారయ్యారు. ఆ సమయంలో బాధితురాలి పక్కనే ఉన్న కమల్ ఖాన్కు సైతం గాయాలయ్యాయి. పూర్తి వార్త కోసం ఇక్కడ క్లిక్ చేయండి.
