ఆటిజంపై పోరు: సముద్రంలో ఈతతో ప్రపంచ రికార్డు

ఆటిజంపై అవగాహన కల్పించేందుకు వినూత్న మార్గాన్ని ఎంచుకుంది ముంబయికి చెందిన ఓ 12 ఏళ్ల బాలిక. తన లాంటి వారికి సాయంగా నిలవాలని కోరుతూ.. సముద్రంలో 36 కిలోమీటర్లు ఈది ప్రపంచ రికార్డు నెలకొల్పింది.

బుద్ధి మాంద్యం (ఆటిజం)పై అవగాహన కల్పించేందుకు పెద్ద సాహసమే చేసింది ఓ 12 ఏళ్ల బాలిక. అరేబియా సముద్రంలో 8గంటల 40 నిమిషాల్లో.. 36 కిలోమీటర్లు ఈది ప్రపంచ రికార్డు నెలకొల్పింది. మహారాష్ట్రలోని బంద్రా-వర్లీ సముద్ర లింక్​ నుంచి గేట్​వే ఆఫ్​ ఇండియా వరకు స్విమ్మింగ్​ చేసి అందరినీ ఆశ్చర్యపరిచింది. తనలాంటి వారికి సాయంగా నిలవాలని అభ్యర్థించేందుకు ఈ సాహసం చేసింది.

జియా రాయ్​ అనే బాలిక.. నావికాదళంలో పనిచేస్తోన్న మదన్​ రాయ్​ కుమార్తె. ఆమె కూడా ఆటిజంతో బాధపడుతోంది. నౌకాదళ చిన్నారుల పాఠశాలలో ఏడవ తరగతి చదువుతోంది రియా.

సముద్రంలో ఈదుతున్న జియా రాయ్​

"ఇది సరికొత్త ప్రపంచ రికార్డు. గత ఏడాది ఆటిజంతో బాధపడుతున్న అతిపిన్న వయస్కురాలిగా సముద్రంలో 14 కిలోమీటర్లు ఈదింది జియా. ప్రస్తుతం చేసిన సాహసాన్ని సంబంధిత విభాగాలు గుర్తించాయి. "

- నావికాదళ అధికారి

బుధవారం ఉదయం 3.40 గంటల ప్రాంతంలో సముద్రంలోకి ప్రవేశించిన రియా.. 36 కిలోమీటర్లు ఈది మధ్యాహ్నం 12.30 గంటలకు గమ్యాన్ని చేరుకుంది. ఆమె వెంట కుటుంబసభ్యులు, ఇతరులు పడవల్లో వచ్చి ప్రోత్సహించారు. అనంతరం రియాకు.. గ్రేటర్​ ముంబయి అమెచూర్​ అక్వాటిక్​ అసోసియేషన్​ అధ్యక్షుడు జరిర్​ ఎన్​.బలివాలా ట్రోఫీని అందించారు. స్విమ్మింగ్​ అసోసియేషన్​ ఆఫ్​ మహారాష్ట్ర పర్యవేక్షణలో ఈ ఈతను చేపట్టినట్లు అధికారులు తెలిపారు.

సముద్రంలో జియా రాయ్​

ట్రోఫీతో జియా రాయ్​

ఇదీ చూడండి:స్వాతంత్ర్యం తర్వాత తొలిసారి మహిళకు ఉరిశిక్ష!