పెళ్లైన తమ కుమార్తెకు చాలా ఏళ్లు గడిచినా పిల్లలు లేరని దారుణానికి పాల్పడ్డారు ఆమె తల్లిదండ్రులు. ఓ మహిళతో పాటు ఆమె 10 నెలల చిన్నారిని కిడ్నాప్ చేశారు. అనంతరం మహిళను హత్య చేశారు. ఈ ఘటన అసోంలోని శివసాగర్లో జరిగింది. నిందితులను పోలీసులు అరెస్ట్ చేశారు.
పోలీసులు తెలిపిన వివరాల ప్రకారం..
బైలుంగ్‌గావ్‌ గ్రామానికి చెందిన నితుమోని లుఖురాషన్‌ అనే మహిళ సహా ఆమె పది నెలల చిన్నారి డిసెంబరు 13 నుంచి కనిపించట్లేదు. అయితే నితుమోని మృతదేహం.. మంగళవారం రాజభరీ అనే టీఎస్టేట్లో కనిపించింది. ఆమె శరీరంపై తీవ్రమైన గాయాలున్నాయి. ఈ కేసులో నిందితులు బసంత గొగొయ్, హిమయై గొగొయ్ అనే దంపతులను సిమలుగురి రైల్వే స్టేషన్లో పోలీసులు అరెస్ట్ చేశారు. వారు హిమచల్ ప్రదేశ్లో ఉన్న తమ కూతురికి చిన్నారిని ఇచ్చేందుకు వెళ్తుండగా వారిని పట్టుకున్నారు. నిందితులను అదుపులోకి తీసుకుని విచారించగా.. అసలు విషయం బయటపడింది.
"నితుమోని లఖురాషన్ అనే మహిళను దంపతులు హత్య చేశారు. ఈ హత్యను పథకం ప్రకారం చేశారు. హిమాచల్ప్రదేశ్లోని ఉన్న నిందితుల కుమార్తెకు పిల్లలు లేరు. అందువల్ల మృతురాలు నితుమోని చిన్నారిని ఆమెకు ఇచ్చేందుకు ప్లాన్ వేశారు. నితుమోనిని ఇంటికి ఆహ్వానించి ఆమె బిడ్డను లాక్కునేందుకు ప్రయత్నించారు. ఆమె ప్రతిఘటించడం వల్ల పదునైన ఆయుధంతో కొట్టి హత్య చేశారు. అలాగే నిందితులకు వారి కుమారుడు ప్రశాంత గొగొయ్ సాయపడ్డాడు. అతడిని అరెస్ట్ చేశాం."
--పోలీసులు
లైంగికంగా సహకరిస్తే పాస్ చేస్తా..
విద్యార్థిని పట్ల అమానవీయంగా ప్రవర్తించాడు రాజస్థాన్ టెక్నికల్ యూనివర్సిటీ అసోసియేట్ ప్రొఫెసర్. తనతో శారీరక సంబంధం పెట్టుకోకపోతే పరీక్షల్లో ఫెయిల్ చేస్తానని బెదిరించాడు. రాజస్థాన్.. కోటాలో జరిగిన ఈ ఘటనపై పోలీసులు కేసు నమోదు చేసుకున్నారు. నిందితుడు గిరీష్ పర్మార్గా పోలీసులు గుర్తించారు. అతడిపై కేసు నమోదైనప్పటి నుంచి పరారీలో ఉన్నాడు. అంతకుముందు విద్యార్థుల పట్ల అసభ్యకరంగా ప్రవర్తించాడని పలుమార్లు ఫిర్యాదు చేసినా యూనివర్సిటీ అధికారులు పట్టించుకోలేదని విద్యార్థులు పోలీసులకు తెలిపారు.
మైనర్పై గ్యాంగ్రేప్..
రాజస్థాన్ ధోల్పుర్లో ఘోరం జరిగింది. 16 ఏళ్ల మైనర్పై సామూహిక అత్యాచారానికి పాల్పడిన కేసు వెలుగులోకి వచ్చింది. బాధితురాలు తన బావ, అతడి కుమారుడు, సోదరుడు తనపై అఘాయిత్యానికి పాల్పడి.. అనంతరం కోల్కతాలోని రెడ్ లైట్ ఏరియాలో వదిలేశారని పోలీసులకు ఫిర్యాదు చేసింది.
ఇదీ జరిగింది..
బాధితురాలు తండ్రి 2020లో ఓ కేసులో జైలుకెళ్లాడు. అప్పుడు బాధితురాలు అక్క ఆమెను తన అత్తవారింటికి తీసుకెళ్లింది. అక్కడ బాధితురాలిపై ఆమె బావ, అతడి సోదరుడు అత్యాచారానికి పాల్పడ్డారు. అలాగే ఆమె అక్క కుమారుడు, వారి స్నేహితులు సైతం మైనర్పై అత్యాచారానికి ఒడిగట్టారు. ప్రతిఘటిస్తే బాధితురాలిని తీవ్రంగా కొట్టేవారు. ఈ విషయం మైనర్.. అక్కకు తెలిసినా ఆమె పట్టించుకోలేదు. కొద్ది రోజుల క్రితం బాధితురాలి తండ్రి జైలు నుంచి విడుదలయ్యాడు. ఈ క్రమంలో తనపై జరిగిన దారుణాన్ని అతడికి చెప్పింది. పోలీసులకు బాధితురాలి తండ్రి ఫిర్యాదు చేశాడు.
