బెదిరింపులే తప్ప మండలిని రద్దు చెయ్యరు: బుద్ధా వెంకన్న

బెదిరింపులే తప్ప ఎట్టి పరిస్థితుల్లోనూ మండలిని రద్దు చెయ్యరని... తెదేపా ఎమ్మెల్సీ బుద్ధా వెంకన్న పునరుద్ఘాటించారు. వైకాపా నేతలు విశాఖలో భూముల ఆక్రమణ కోసమే 3 రాజధానుల నిర్ణయం తెరపైకి తీసుకువచ్చారని ఆరోపించారు.

శాసనమండలిని వైఎస్సార్ పునరుద్ధరించినప్పుడు జగన్‌ ఎందుకు నోరు మెదపలేదని... తెదేపా ఎమ్మెల్సీ బుద్ధా వెంకన్న ప్రశ్నించారు. మంత్రులు సుభాష్ చంద్రబోస్, మోపిదేవితో రాజీనామా చేయించి ఆ తర్వాత మండలిపై చర్చించాలని ప్రభుత్వానికి సూచించారు. పదవులు పోతాయని తమకు ఎలాంటి భయం లేదని వ్యాఖ్యానించారు. బెదిరింపులే తప్ప ఎట్టి పరిస్థితుల్లోనూ మండలిని రద్దు చెయ్యరని పేర్కొన్నారు. రాజధాని పేరుతో సీఎం జగన్ ప్రాంతాల మధ్య చిచ్చుపెడుతున్నారని మండిపడ్డారు.

ఇదీచదవండి