ఎదురెదురుగా ఢీకొన్న 2 బైకులు - ముగ్గురి మృతి, మరొకరికి గాయాలు

Road Accident In Khammam : ఖమ్మం జిల్లాలో ఘోర రోడ్డు ప్రమాదం జరిగింది. కారేపల్లి మండలం భాగ్యనగర్ తండాలో ఎదురెదురుగా వస్తున్న రెండు ద్విచక్ర వాహనాలు ఢీకొనడంతో ముగ్గురు అక్కడికక్కడే మరణించగా, ఒకరి పరిస్థితి విషమంగా ఉంది. గాయపడిన వ్యక్తిని ఖమ్మం ఆస్పత్రికి తరలించారు. కారేపల్లి మండలం గుట్ట కింద గుంపునకు చెందిన సూర్య నారాయణ (45), సుగుణ దంపతులు వారి పనుల నిమిత్తం ఇల్లందు వెళ్లి ద్విచక్ర వాహనంపై వస్తున్నారు. అదే సమయంలో సింగరేణి సోలార్ ప్లాంట్​లో ఎలక్ట్రికల్ ఇంజనీరుగా విధులు నిర్వహిస్తున్న వెంకటేష్ (35) కారేపల్లి నుంచి బైక్​పై వస్తున్నారు. బోడ్రాస్ కుంట సమీపంలోకి రాగానే సూర్యనారాయణ, వెంకటేశ్​ బైక్​లు పరస్పరం ఢీకొన్నాయి. దీంతో దంపతులు ఇద్దరు అక్కడికక్కడే చనిపోయారు. వెంకటేశ్ కూడా మృతి చెందాడు. ఈ ప్రమాదంలో తీవ్రంగా గాయపడిన మరొకరిని వైద్యం కోసం ఖమ్మం తరలించారు.