'ఏదైనా ఎక్కువగా చెప్పను- కెరీర్​లో నేర్చుకున్నది ఇదే'

Bumrah T20 World Cup:టీమ్ఇండియా స్టార్ బౌలర్ జస్ర్పీత్ బుమ్రా 2024 టీ20 వరల్డ్​కప్​లో జట్టు పేస్ విభాగాన్ని ముందుండి నడిపించనున్నాడు. టోర్నీలో భాగంగా భారత్ శనివారం బంగ్లాదేశ్​తో ప్రాక్టీస్ మ్యాచ్ ఆడనుంది. ఈ క్రమంలో బుమ్రా తాజాగా ప్రెస్​మీట్​లో పాల్గొన్నాడు. 'సిరాజ్‌, అర్ష్‌దీప్‌ లాంటి జూనియర్లకు ఏమైనా సలహాలు ఇస్తారా' అని ఎదురైన ప్రశ్నకు సమాధానం ఇచ్చాడు. 'ఎవరికైనా సరే ఎక్కువగా చెప్పకూడదు. కెరీర్​లో నేను నేర్చుకున్నది ఇదే. ఎవరైనా సాయం కోసం నా దగ్గరకు వస్తే, వాళ్ల సందేహాలు వింటా. ఏదీ అడగకపోతే ఎక్కువగా చెప్పను. అలా చేస్తే వారిపై ఒత్తిడి పెంచినట్లవుతుంది. ఇప్పుడు అమెరికా వచ్చిన వారంతా అదృష్టవంతులే. ఇంటర్నేషనల్ లెవెల్​లో నిరూపించుకోడానికి ఇదో చక్కటి అవకాశం. వారికి అవసరమైనంత సమాచారం ఇచ్చేందుకు నేను రెడీ. కెరీర్​లో ముందుకెళ్లేకొద్ది వాళ్లూ నేర్చుకుంటారు. సొంతంగా సమస్యలను పరిష్కరించుకోగలరు' అని బుమ్రా అన్నాడు.