వరల్డ్​కప్ విక్టరీ వాళ్లకు అంకితం- రోహిత్ కెప్టెన్సీలోనే అవి కూడా

Jay Shah On World Cup Winning:టీమ్ఇండియాటీ20 వరల్డ్​కప్ విజయాన్ని కెప్టెన్ రోహిత్ శర్మ, విరాట్ కోహ్లీ, రవీంద్ర జడేజా, కోచ్ రాహుల్ ద్రవిడ్​కు అంకితం ఇస్తున్నట్లు బీసీసీఐ సెక్రటరీ జై షా పేర్కొన్నారు. ఈ విజయం చారిత్రకం అన్న జై షా, రోహిత్ కెప్టెన్సీలోనే 2025లో ఛాంపియన్స్ ట్రోఫీ, డబ్ల్యూటీసీ ట్రోఫీలు సాధిస్తామని ధీమా వ్యక్తం చేశారు.

'చరిత్రాత్మక విజయం సాధించిన టీమ్ఇండియాకు శుభాకాంక్షలు. ఈ విజయాన్ని రోహిత్, విరాట్, జడేజా, ద్రవిడ్​కు అంకితమిస్తున్నా. గడిచిన ఏడాదిలో ఇది మాకు మూడో ఐసీసీ ఫైనల్. 2023లో డబ్ల్యూటీసీ, వన్డే వరల్డ్​కప్​ ఫైనల్స్​లో ఓడిపోయాం. కానీ, 2024లో వరల్డ్​కప్ గెలుస్తామని నేను రాజ్​కోట్​లో చెప్పాను. చెప్పినట్లు మేం కప్పు నెగ్గి, బర్బడోస్​లో భారత్ జెండా పాతాం. ఇక రోహిత్ కెప్టెన్సీలోనే 2025లో డబ్ల్యూటీసీ, ఛాంపియన్స్​ ట్రోఫీ కూడా గెలుస్తామని నాకు భరోసా ఉంది' అని జై షా అన్నారు.