Marnus Labuschagne ODI Record:ఆస్ట్రేలియా స్టార్ ప్లేయర్ మార్నస్ లబూషేన్ వరల్డ్ రికార్డు సృష్టించాడు. వన్డే చరిత్రలో ఒకే మ్యాచ్లో 50+ పరుగులు, 3 వికెట్లు, 4 క్యాచ్లు సాధించిన ఏకైక క్రికెటర్గా రికార్డు సృష్టించాడు. ఇంగ్లాండ్తో జరుగుతున్న వన్డే సిరీస్లో తొలి మ్యాచ్లో లబూషేన్ ఈ అరుదైన ఫీట్ సాధించాడు.
లబూషేన్ వరల్డ్ రికార్డ్ - తొలి క్రికెటర్గా అరుదైన ఘనత
Marnus Labuschagne (Source : Associated Press)
Published : Sep 20, 2024, 5:41 PM IST
తొలి ఇన్నింగ్స్లో బౌలింగ్ చేసిన లబూషేన్ 6 ఓవర్లలో 3 వికెట్లు పడగొట్టాడు. అందులో బెన్ డకెట్, హ్యారీ బ్రూక్, ఆర్చర్ను పెవిలియన్కు పంపాడు. అలాగే ఇదే ఇన్నింగ్స్లో డకెట్, బ్రూక్, జకాబ్, ఆదిల్ రషీద్ ఇచ్చిన క్యాచ్లు అందుకున్నాడు. ఇక ఛేజింగ్లో మిడిలార్డర్లో బ్యాటింగ్కు దిగిన అతడు 61 బంతుల్లోనే 77 పరుగులతో రాణించాడు. దీంతో వన్డేల్లో ఈ ఫీట్ సాధించిన తొలి క్రికెటర్గా నిలిచాడు. కాగా, మ్యాచ్లో ఆస్ట్రేలియా 7వికెట్ల తేడాతో నెగ్గింది. ఇంగ్లాండ్ నిర్దేశించిన 316 పరుగుల లక్ష్యాన్ని ఆసీస్ 44 ఓవర్లలోనే ఛేదించింది.