బంగ్లాదేశ్‌లో హిందువులపై దాడులు- సద్గురు ఏమన్నారంటే?

Sadhguru Condemns Attacks On Hindus: బంగ్లాదేశ్‌లో హిందువుల ఇళ్లు, దేవాలయాలు, వ్యాపార సంస్థలపై జరుగుతున్న దాడులపై ఈషా ఫౌండేషన్ వ్యవస్థాపకులు సద్గురు జగ్గీ వాసుదేవ్ స్పందించారు. మన పొరుగున ఉన్న మైనారిటీలకు భద్రత కల్పించడం మన బాధ్యత అని ఉద్ఘాటించారు.

బంగ్లాదేశ్​లో హిందువులపై జరుగుతున్న అఘాయిత్యాలు కేవలం బంగ్లాదేశ్ అంతర్గత విషయంగా చూడలేమని సద్గురు తెలిపారు. మన పొరుగున ఉన్న మైనారిటీల భద్రత కోసం వీలైనంత త్వరగా నిలబడాలని పిలుపునిచ్చారు. లేకపోతే భారత్, 'మహా భారత్' కాదన్నారు. కొన్ని కారణాల వల్ల ఈ దేశంలో భాగమైన ప్రాంతం పొరుగు ప్రాంతంగా మారిందని తెలిపారు. బంగ్లాదేశ్‌లో దాడుల నుంచి ఈ దేశమూలాలు ఉన్న వారిని రక్షించడం మన బాధ్యత అని పేర్కొన్నారు.