రాయల్​ ఫ్యామిలీ కంచుకోట బద్దల్​- మండిలో కంగనా రనౌత్ గ్రాండ్ విక్టరీ

Lok Sabha Election Results 2024 Kangana Ranaut: బాలీవుడ్‌ నటి కంగనా రనౌత్‌ రాజకీయ అరంగేట్రంలోనే జయకేతనం ఎగురవేశారు. హిమాచల్‌ప్రదేశ్‌లోని మండి స్థానంలో బీజేపీ తరఫున పోటీ చేసిన కంగన తన సమీప కాంగ్రెస్‌ అభ్యర్థి విక్రమాదిత్య సింగ్‌పై 71వేల ఓట్ల మెజార్టీతో విజయం సాధించారు. ఏడో దశ ఎన్నికల్లో భాగంగా ఈ స్థానానికి జూన్‌ 1న పోలింగ్ జరిగింది. రాయల్​ ఫ్యామిలీకంచుకోటగా ఉన్న ఈ మండి స్థానంలో కంగనా రనౌత్ విజయం సాధించి రికార్డు సృష్టించింది!