LIVE: విజయవాడలో బుక్​ ఫెయిర్​ - ప్రారంభించిన డిప్యూటీ సీఎం పవన్‌ కల్యాణ్‌ - ప్రత్యక్ష ప్రసారం - BOOK FAIR INAUGURATION LIVE

Vijayawada Book Fair Inauguration By Deputy CM Pawan Kalyan Live : విజయవాడ నగరానికి పుస్తక పండుగ వచ్చేసింది. చదువరులను రారండోయ్‌ అంటూ ఆహ్వానిస్తోంది. 11 రోజులపాటు 270కిపైగా స్టాళ్లలో వేలాది పుస్తకాలు అందుబాటులో ఉండనున్నాయి. ఉపముఖ్యమంత్రి పవన్‌ కల్యాణ్‌ విజయవాడ బుక్‌ఫెస్టివల్‌ సొసైటీ ఆధ్వర్యంలో నిర్వహిస్తోన్న 35వ పుస్తక మహోత్సవాన్ని లాంఛనంగా ప్రారంభిస్తున్నారు. రేపటి నుంచి ప్రతిరోజు మధ్యాహ్నం ఒంటి గంట నుంచి రాత్రి తొమ్మిది గంటల వరకు ఇందిరాగాంధీ మున్సిపల్‌ మైదానంలో పుస్తక మహోత్సవాన్ని ఉచితంగా సందర్శించి, సదస్సులు, సమావేశాలు, పుస్తక ఆవిష్కరణల్లో పాల్గొనాలని నిర్వాహకులు కోరుతున్నారు.నేటి తరానికి పఠనంపై ఆసక్తి పెంచేందుకు ఏటా నగరంలో నిర్వహించే పుస్తక ప్రియుల పాదయాత్రను జనవరి 6న సాయంత్రం 4 గంటలకు నిర్వహిస్తున్నారు. మొగల్రాజపురంలోని సిద్ధార్థ కళాశాల నుంచి ఆరంభించి పుస్తక మహోత్సవ ప్రాంగణానికి పాదయాత్ర చేరుకుంటుంది. సాహితీ ప్రముఖులు, పుస్తక ప్రియులు ఇందులో పాల్గొంటారు. పుస్తక ప్రదర్శనలో ఉండే స్టాళ్లలో ప్రతి పుస్తకంపై తప్పనిసరిగా 10శాతం రాయితీ ఇస్తారు. పుస్తక మహోత్సవం నిబంధన ప్రకారం ప్రతి పుస్తకంపైనా రాయితీ ఉంటుంది. ప్రదర్శనకు వచ్చే వారందరికీ ప్రవేశం ఉచితం. ఎలాంటి రుసుము ఉండదు. ప్రస్తుతం పుస్తక ప్రదర్శన ప్రారంభోత్సవం ప్రత్యక్ష ప్రసారం మీకోసం.