బావి తవ్వుతుండగా మట్టిలో కూరుకుపోయిన ఇద్దరు వ్యక్తులు - two people trapped in well - TWO PEOPLE TRAPPED IN WELL

Two Persons Stuck In The Mud While Digging A Well : ఓ పొలంలో వ్యవసాయ బావి తవ్వుతుండగా ఇద్దరు వ్యక్తులు ప్రమాదవశాత్తు మట్టిలో చిక్కుకొని నరకయాతన అనుభవించి మృత్యువు అంచుకు వెళ్లిన ఘటన మహబూబ్​నగర్ జిల్లాలో జరిగింది. సమాచారమందుకున్న పోలీసులు సుమారు రెండు గంటలు శ్రమించి వ్యవసాయ బావిలో చిక్కుకున్న ఇద్దరినీ సురక్షితంగా బయటకు తీశారు. ఇద్దరు స్వల్పగాయాలతో బయట పడతంతో అందరూ ఊపిరి పీల్చుకున్నారు.

ఇదీ జరిగింది
కేసముద్రం మండల పరిధిలోని గాంధీనగర్ గ్రామానికి చెందిన సుధాకర్ అనే రైతు తాను సాగు చేసే పొలంలో బావి తవ్వకం చేసే పనిని చేపట్టారు. తవ్వుతుండగా అడుగున ఓ రాయి వచ్చింది. దానిని పరిశీలించేందకు కూలీ నరేశ్​తో పాటు బావిలోకి దిగారు. అయితే ప్రమాదవశాత్తు బావిలో దిగిన వారిద్దరిపై మట్టికూలింది. దీంతో పీకల్లోతు వరకు మట్టిలో చిక్కుకుని నరకయాతన అనుభవించారు.  

సమాచారమందుకున్న పోలీసులు హుటాహుటిన ఘటనాస్థలానికి చేరుకున్నారు. స్థానికులు, జేసీబీల సహాయంతో సుమారు రెండు గంటల పాటు శ్రమించి రైతు, కూలీలిద్దరిని సురక్షితంగా ప్రాణాలతో బయటకు తీశారు. సుధాకర్, సురేశ్​లు స్వల్ప గాయాలతో బయటపడటంతో గ్రామస్తులు, కుటుంబ సభ్యలు ఊపిరి పీల్చుకున్నారు. ప్రమాదం విషయం తెలిసిన వెంటనే ఘటనా స్థలానికి చేరుకుని వ్యయసాయ బావిలో చిక్కుకున్న ఇద్దరినీ కాపాడిన పోలీసులను అందరూ అభినందించారు.