LIVE : తెలంగాణ శాసన మండలి శీతాకాల సమావేశాలు - ప్రత్యక్షప్రసారం - TS LEGISLATIVE COUNCIL SESSION LIVE

Telangana Legislative Council Winter Session 2024 Live : తెలంగాణ అసెంబ్లీ ఉభయ సభలు మంగళవారు మూడో రోజు కొనసాగనున్నాయి. ఉదయం 10 గంటలకు ప్రశ్నోత్తరాల కార్యక్రమంతో ఉభయ సభలు ప్రారంభమవుతాయి. ఎమ్మెల్యేలు, ఎమ్మెల్సీలు అడిగిన ప్రశ్నలకు సంబంధిత మంత్రులు రెండు సభల్లోనూ సమాధానాలు ఇస్తారు. ఇలా గంట పాటు ఈ ప్రశ్నోత్తరాల కార్యక్రమం శాసనసభ, శాసన మండలిలో కొనసాగుతుంది. ఆ తరువాత నిన్న జరిగిన బిజినెస్‌ అడ్వైజరీ కమిటీ-బీఎసీ నిర్ణయాలను ముఖ్యమంత్రి రేవంత్‌ రెడ్డి సభలో ప్రవేశపెడతారు. తరువాత శాసనసభ ఐటీ శాఖ మంత్రి దుద్దిళ్ల శ్రీధర్‌ బాబు ఉబయ సభల్లో తెలంగాణ ట్రేడ్‌ ప్రమోషన్‌ కార్పోరేషన్‌ లిమిటెడ్‌ ఏడో వార్షిక నివేదిక ప్రవేశ పెడతారు. అనంతరం శాసనసభలో యంగ్‌ ఇండియా ఫిజికల్‌ ఎడ్యుకేషన్‌ అండ్‌ స్పోర్ట్స్‌ యూనివర్శిటీ ఆఫ్‌ తెలంగాణ బిల్లు-2024, తెలంగాణ యూనివర్శిటీల సవరణ బిల్లు-2024, తెలంగాణ జీఎస్టీ సవరణ బిల్లు-2024లను ముఖ్యమంత్రి రేవంత్‌ రెడ్డి శాసనభలో ప్రవేశ పెడతారు. ఆ తరువాత ఉబయ సభల్లో సోమవారం జరగాల్సిన పర్యాటక విధానంపై స్వల్పకాలిక చర్చ ఇవాళ జరగనుందని లెజిస్లేచర్‌ కార్యదర్శి నర్సింహా చార్యులు తెలిపారు.