రోడ్డు కోసం రెండేళ్లుగా పోరాటం - road damages in srikakulam district - ROAD DAMAGES IN SRIKAKULAM DISTRICT

Srikakulam Amadalavalasa Present Road Condition : శ్రీకాకుళం-ఆముదాలవలస రహదారి అధ్వానంగా మారడంతో వెంటనే మరమ్మతులు చేపట్టాలని స్థానికులు ధర్నా నిర్వహించారు. జిల్లాలోని వాకలవలస వద్ద రోడ్డుపై బైఠాయించి ప్రభుత్వానికి వ్యతిరేకంగా నినాదాలు చేశారు. రహదారి మెుత్తం అధ్వనంగా తయారుకావడంతో తరచూ ప్రమాదాలు జరుగుతున్నాయని ఆవేదన వ్యక్తం చేశారు. ఈ సందర్భంగా ఆముదాలవలస స్వతంత్ర ఎమ్మెల్యే అభ్యర్థి సురేష్ కుమార్ మాట్లాడుతూ, ఈ రోడ్డును బాగుచేయాలని రెండు సంవత్సరాలుగా పోరాటాలు చేస్తున్నాం. ఇప్పటి వరకు ఈ రోడ్డుమీద 68మంది ప్రాణాలు వదిలారు. 

అధికారంలో ఉన్న నాయకులు మాత్రం కార్లలో తిరుగుతూ ప్రజల సమస్యలను గాలికొదిలేస్తున్నారు. వైసీపీ ప్రభుత్వం ఉన్న ఐదు సంవత్సరాలలో ఈ రహదారిపై ఒక్క గుంతనికూడా పూర్చలేదు. దీంతో వాహన చోదకులు తీవ్ర ఇబ్బందులు పడుతున్నారని తెలిపారు. ఇక రహదారిపై ఉన్న గోతులు కారణంగా గర్భిణీలను ఆసుపత్రికి తీసుకువెళ్లలంటే నరకం చూస్తున్నారని మండిపడ్డారు. ఇప్పటికైన అధికారులు, ప్రభుత్వం స్పందించి తక్షణమే రహదారి నిర్మాణం చేపట్టలని కోరారు. లేకపోతే తీవ్ర స్థాయిలో ఆందోళన చేపడతామని హెచ్చరించారు.