ETV Bharat / videos

Rat Bit Farmer Money in Beeruva Almirah : పంటపై దాడి చేసి రైతులకు తీవ్ర నష్టం కలిగించే ఎలుకలు ఓ రైతుకు అంతులేని బాధను మిగిల్చాయి. ఏడాదంతా కష్టపడి సాగు చేసి పంటను అమ్మగా వచ్చిన డబ్బులను అతడికి దక్కకుండా చేశాయి. ఎంతో భద్రంగా బీరువాలో దాచుకున్నా ఓ ఎలుక దాడి చేసి నోట్లు కొరికేసింది.  

ఓ రైతు బీరువాలో దాచుకున్న డబ్బును ఎలుక కొరికేసింది. దీంతో ఆ రైతు లబోదిబోమంటున్న ఘటన అల్లూరి సీతారామరాజు జిల్లా పాడేరు ఏజెన్సీలో జరిగింది. ఎలుక కొరికిన నగదును మార్చుకోవాలని బ్యాంక్ అధికారులకు బాధితుడు విజ్ఞప్తి చేస్తున్నాడు.  

వివరాలివి: జిల్లాలోని జి మాడుగుల మండలం బొయితిలి పంచాయతీ ఎగరాపల్లికి చెందిన రైతు రామారావు నెల రోజుల కిందట పసుపు పంట అమ్మగా 35వేల రూపాయలు వచ్చాయి. ఆ నగదును బీరువాలో దాచుకున్నాడు. అవసరం నిమిత్తం ఇవాళ బీరువా తెరిచి చూసేసరికి డబ్బును ఎలుక కొరికేసింది. నోట్ల కట్ట నాశనమవటంతో రైతు బోరున విలపిస్తున్నాడు. ఎలుక కొరకడం వల్ల పాడైపోయిన నోట్లు ఎలాగైనా మార్చాలని బ్యాంకువారిని అభ్యర్థించాడు.