LIVE: వారాహి బహిరంగ సభలో పాల్గొన్న పవన్ కల్యాణ్​ - ప్రత్యక్ష ప్రసారం - Pawan Kalyan Varahi public meeting

Pawan Kalyan Varahi Public Meeting: ఉపముఖ్యమంత్రి పవన్‌ కల్యాణ్​ తిరుపతిలోని వారాహి బహిరంగ సభలో పాల్గొన్నారు. తిరుపతి బాలాజీ కాలనీలోని జ్యోతిరావు పూలే కూడలిలో బహిరంగ సభను ఏర్పాటు చేశారు. బహిరంగ సభలో వారాహి డిక్లరేషన్‌ అంశాలను పవన్‌ కల్యాణ్​ వివరించనున్నారు. తీవ్ర జ్వరంతో బాధపడుతున్నా పవన్ కల్యాణ్​ ఈ సభకు హాజరయ్యారు. శ్రీవారి లడ్డూ విషయంలో అపచారం జరిగిందంటూ శ్రీవారికి ప్రాయశ్చిత్త దీక్ష చేపట్టిన పవన్‌ మంగళవారం నాడు మెట్లమార్గం గుండా తిరుమల చేరుకున్న విషయం తెలిసిందే. ఆ సమయంలో వెన్నునొప్పితో బాధపడ్డారు. ఈ క్రమంలోనే బుధవారం నాడు స్వామివారిని పవన్ కల్యాణ్ తన కుమార్తెలతో కలిసి దర్శించుకున్నారు. దర్శనం అనంతరం నేరుగా రంగనాయకుల మండపానికి పవన్ కల్యాణ్ వెళ్లారు. అక్కడ వేద పండితులు ఉప ముఖ్యమంత్రికి వేద ఆశీర్వచనం అందించారు. అనంతరం తిరుమలలో బస చేశారు. ఈ నేపథ్యంలోనే పవన్ ఆనారోగ్యంతో ఇబ్బంది పడుతుండటంతో తిరుమలలోని అతిథి గృహంలో వైద్యులు చికిత్స అందించారు. ప్రస్తుతం వారాహి బహిరంగ సభలో డిక్లరేషన్‌ అంశాలను పవన్ వివరించనున్నారు. ప్రత్యక్ష ప్రసారం.