బాపట్లలో భువనేశ్వరి నిజం గెలవాలి యాత్ర - పలు కుటుంబాలకు పరామర్శ

Nara Bhuvaneswari in Bapatla: చంద్రబాబు సతీమణి నారా భువనేశ్వరి చేపట్టిన నిజం గెలవాలి యాత్ర ఈరోజు బాపట్ల జిల్లాలో  కొనసాగింది. బాబు అక్రమ అరెస్ట్​తో మనోవేదనకు గురై మృతి చెందిన వారి కుటుంబ సభ్యులను భువనేశ్వరి పరామర్శించారు. తొలుత జిల్లాలోని కొల్లూరు మండలం చిలుమూరులో పర్యటించారు. రామలింగేశ్వర స్వామి, వేణుగోపాల స్వామి ఆలయాలను సందర్శించి ప్రత్యేక పూజలు నిర్వహించారు.

Nara Bhuvaneswari Nijam Gelavali Yatra: దైవదర్శనం అనంతరం భువనేశ్వరి భట్టిప్రోలు మీదుగా చెరుకుపల్లి మండలం చేరుకుని మృతుడు వెంకటేశ్వర రావు కుటుంబ సభ్యులను పరామర్శించి ఓదార్చారు. కుటుంబానికి అండగా ఉంటామని ధైర్యం చెప్పారు. కుటుంబ సభ్యుల యోగ క్షేమాలను అడిగి తెలుసుకుని, బాధిత కుటుంబానికి ₹3 లక్షల ఆర్థిక సహాయాన్ని భువనేశ్వరి అందజేశారు. స్థానికంగా ఉన్న మహిళలతో ఆత్మీయంగా మాట్లాడి వారి సమస్యలు అడిగి తెలుసుకున్నారు. నిజం గెలవాలి పర్యటనలో మాజీ మంత్రి నక్కా ఆనంద్ బాబు, ఎమ్మెల్యే అనగాని సత్య ప్రసాద్, టీడీపీ సీనియర్ నాయకులు పాల్గొన్నారు.