తెలంగాణలో 10 పార్లమెంట్ సీట్లు 35% ఓట్లతో ఘన విజయం సాధిస్తాం : లక్ష్మణ్ - చేవెళ్లలో బీజేపీ లోక్‌సభ మీటింగ్

MP Laxman on Lok Sabha Elections 2024 : తెలంగాణలో 10 పార్లమెంట్ స్థానాల్లో 35% ఓట్లతో ఘన విజయం సాధిస్తామని బీజేపీ ఎంపీ, ఓబీసీ మోర్చా జాతీయ అధ్యక్షుడు లక్ష్మణ్ అన్నారు. గావ్ చలో, ఘర్ చలో అనే కార్యక్రమాన్ని హైదరాబాద్ నగర శివారులోని హైదర్షాకోట్ మైత్రి వనంలో ప్రారంభించారు. ఈ కార్యక్రమంలో చేవెళ్ల పార్లమెంట్ స్థాయి సమావేశం నిర్వహించారు. ఈ సందర్భంగా లక్ష్మణ్ మీడియాతో మాట్లాడారు. 

Telangana BJP Wins 10 parliament seats 2024 : దేశంలో ప్రధాన మంత్రి మోదీని ఎదుర్కొనే సత్తా ప్రతిపక్ష పార్టీల్లో ఎవరికీ లేదని ఎంపీ లక్ష్మణ్ అన్నారు. 142 సంక్షేమ పథకాల సొమ్మును నేరుగా లబ్ధిదారుల బ్యాంక్ అకౌంట్​లో జమ చేస్తున్నామని తెలిపారు. తెలంగాణలో బీజేపీ, కాంగ్రెస్ మధ్యనే ప్రధాన పోరు ఉంటుందని అభిప్రాయపడ్డారు. తెలంగాణలో బీఆర్ఎస్ దుకాణం మూసుకుందని పేర్కొన్నారు. ట్రిపుల్ తలాక్ వంటి అనేక కార్యక్రమాలు విజయవంతం అయ్యాయని తెలిపారు. అయోధ్య ప్రపంచైక ఆధ్యాత్మిక దేవాలయంగా మారుతుందని పేర్కొన్నారు.