ప్రైవేటు ఆసుపత్రులు సామాజిక బాధ్యతతో సేవలు అందించడం అభినందనీయం : మంత్రి పొన్నం - Minister Ponnam Prabhakar in Nagole - MINISTER PONNAM PRABHAKAR IN NAGOLE

Minister Ponnam Prabhakar opened Cardiology Dept in Hyderabad : తెలంగాణ ప్రజల కోసం ప్రభుత్వం వైద్యపరంగా మరిన్ని సదుపాయాలు తీసుకువస్తోందని మంత్ర పొన్నం ప్రభాకర్​ అన్నారు. హైదరాబాద్​ నాగోల్​లోని​ ఓ ప్రైవేటు ఆసుపత్రిలో ఆధునాతన టెక్నాలజీతో ఏర్పాటు చేసిన కార్డియాలజీ విభాగాన్ని మంత్రి పొన్నం ప్రభాకర్​, మాజీ మంత్రి శ్రీనివాస్​ గౌడ్​ ఆ హస్పిటల్​ ఛైర్మన్​ విజయ్​తో కలిసి ప్రారంభించారు. అలాగే మాతృ, శిశు పేరిట కొత్తగా ఏర్పాటు చేసిన స్కీమ్​ను ఆయన మొదలు పెట్టారు. 

తెల్ల రేషన్​ కార్డు కలిగి ఆరోగ్య శ్రీ ఉన్న ప్రతి గర్బిణీకి రూ.20వేలకే డెలివరీ సేవలు అందించడం జరుగుతుందని హస్పిటల్​ ఛైర్మన్​ విజయ్ తెలిపారు. అదే విధంగా రూ.20లకే డాక్టర్​ కన్సల్టేషన్​ను అందుబాటులోకి తీసుకువచ్చినట్లు తెలిపారు. ఆసుపత్రి అందిస్తున్న ఈ సేవలను మంత్రి పొన్నం ప్రభాకర్ ప్రశంసించారు. ప్రభుత్వం కూడా రాష్ట్రంలో మెరుగైన వైద్య సేవలకోసం అన్ని రకాల చర్యలు చేపడుతోందని తెలిపారు.  అయితే పెరుగుతున్న జనాభా, ఆరోగ్య సమస్యల దృష్ట్యా ప్రైవేటు ఆసుపత్రులు ఇలాంటి సేవలతో ముందుకు రావడం అభినందనీయమన్నారు.