రావి ఆకుపై యోగాసనాలు - మాములుగా లేదుగా - చూస్తే వాహ్​ అనాల్సిందే! - International Yoga Day 2024

Man Draw Yoga Asanas on Leaf in Jagtial : యోగా దశాబ్ధి దినోత్సవం సందర్భంగా ఓ చిత్రకారుడు రావి ఆకుపై యోగాసనాలు చిత్రీకరించాడు. ఆ ఆకు ప్రతి ఒక్కరినీ ఆకట్టుకుంటుంది. జగిత్యాల జిల్లాలోని గొల్లపల్లి మండలం రాఘవపట్నం గ్రామానికి చెందిన గాలిపెల్లి చోళేశ్వర్ అనే యువకుడు ప్రతి వేడుకలకు తనదైన శైలిలో మైక్రో ఆర్ట్స్​ను తయారు చేస్తుంటాడు. ఎక్కువగా ఆకులపై చిత్రాలను గీస్తుంటాడు. 

Yoga Asanas on Leaf Video : ఈ క్రమంలోనే నేడు అంతర్జాతీయ యోగా దినోత్సవం సందర్భంగా రావి చెట్టు ఆకుపై పది ఆసనాలు సరిపోయే విధంగా అందంగా, ఆకర్షవంతంగా చోళేశ్వర్ యోగాసనాలను చిత్రీకరించాడు. చూసేందుకు కనువిందుగా అనిపిస్తోంది. ఇలాంటి చిత్రాలు తయారు చేస్తూ ప్రతి ఒక్కరి చేత శభాష్​ అనిపించుకుంటున్నాడు. ఇప్పటికే ఇలాంటి ఆశ్చర్యపరిచే ఎన్నో చిత్రాలను వేసి ప్రముఖులతో ప్రశంసలు పొందాడు. ఇది తయారు చేసేందుకు సుమారు 30 నిమిషాల సమయం పట్టిందని యువకుడు తెలిపాడు.