14వ తేదీ నుంచి ఉభయ గోదావరి జిల్లాల్లో పవన్ కల్యాణ్ పర్యటన

janasena chief pawan kalyan To Tour Godavari: జనసేన అధినేత పవన్ కల్యాణ్ ఈనెల 14 నుంచి 17వరకూ ఉభయ గోదావరి జిల్లాల్లో పర్యటించనున్నారు. భీమవరం, అమలాపురం, కాకినాడ, రాజమండ్రిలో సమావేశాలు నిర్వహించేలా ప్రణాళిక రూపొందించారు. పవన్ కల్యాణ్ పర్యటనలో భాగంగా పార్టీ ముఖ్య నాయకులు, స్థానికంగా ప్రభావశీల వ్యక్తులతో భేటీ అవుతారు. తెలుగుదేశం పార్టీ నాయకులతో సైతం సమావేశమవుతారు. నియోజకవర్గాల స్థాయిలో రెండు పార్టీల నాయకులు, శ్రేణుల మధ్య స్నేహపూర్వక వాతావరణంతో పాటు పొత్తు ఫలించే లక్ష్యంతో సమావేశాలు నిర్వహించనున్నారు. 

గోదావరి జిల్లాల తర్వాత మిగతా ప్రాంతాల్లో పర్యటనకు కూడా వెళ్తారని, జనసేన పార్టీ వర్గాలు తెలిపాయి. ఆ తర్వాత పార్టీ స్థానిక కమిటీల నాయకులు, కార్యకర్తలు, వీర మహిళలతో పవన్ కల్యాణ్ సమావేశాలు నిర్వహిస్తారు. మూడో దశలో ఎన్నికల ప్రచారం చేపడతారు. ఎన్నికల ప్రచారం చేపట్టేనాటికి పవన్ కల్యాణ్ (pawan kalyan) ఆయా ప్రాంతాలకు మూడుసార్లు వెళ్లేలా ప్రణాళిక షెడ్యూల్ సిద్ధం చేస్తున్నారు.