పారిశ్రామిక వేత్త పెద్ద మనసు- అన్న క్యాంటీన్ల నిర్వహణకు కోటి రూపాయల విరాళం - Crore Donation for Anna Canteens

One Crore Donation for Anna Canteens Maintenance: రాష్ట్రంలో ప్రతిష్టాత్మకంగా నిర్మించిన అన్న క్యాంటీన్ల నిర్వహణకు ప్రముఖ పారిశ్రామిక వేత్త శిష్టా లోహిత్‌ కోటి రూపాయల విరాళం అందించారు. ఉండవల్లి నివాసంలో మంత్రి నారా లోకేశ్​కు కోటి రూపాయల చెక్కును అందజేశారు. లోహిత్‌ ఇప్పటికే కార్యకర్తల సంక్షేమ నిధి కో ఆర్డినేటర్‌గా సమర్థవంతమైన సేవలు అందిస్తున్నారని మంత్రి కొనియాడారు. అన్న క్యాంటీన్ల కోసం లోహిత్‌ లాంటి పారిశ్రామిక వేత్తలు ముందుకు రావడం హర్షనీయమన్నారు.

రాష్ట్రంలో ఎవరు కూడా ఆకలితో ఉండకూడదన్నది చంద్రబాబు ఆశయమని మంత్రి లోకేశ్ గుర్తు చేశారు. పేదల ఆకలి తీర్చేందుకు ఎంత ఖర్చు చేసేందుకైనా ప్రభుత్వం సిద్ధంగా ఉందన్నారు. జగన్‌ పాలనలో పేదలు నరకం చూశరని, చంద్రబాబు ముఖ్యమంత్రి కావడంతో రాష్ట్రంలోని అన్ని వర్గాలు సంతోషంగా ఉన్నాయని పారిశ్రామిక వేత్త శిష్టా లోహిత్ అన్నారు. చంద్రబాబు,లోకేశ్​ స్ఫూర్తితో ఇకముందు కూడా సంక్షేమ కార్యక్రమాలకు తమవంతు సహాయ సహకారాలు అందిస్తానని లోహిత్ చెప్పారు.