పోస్టల్‌ బ్యాలెట్‌ గడువు పెంచండి- ఈసీకి ఉద్యోగుల సంఘం విజ్ఞప్తి - Employees Association Appeals to EC

Employees Association Appeals to EC to Extend Postal Ballot Deadline: రాష్ట్రంలో సార్వత్రిక ఎన్నికల నేపథ్యంలో పోస్టల్ బ్యాలెట్ దరఖాస్తు చేసుకునేందుకు గడువు పెంచాల్సిందిగా ఏపీ రెవెన్యూ ఉద్యోగుల సంఘం (AP Revenue Employees Union) రాష్ట్ర ఎన్నికల ప్రధానాధికారికి (State Chief Electoral Officer) విజ్ఞప్తి చేసింది. అలాగే పోస్టల్ బ్యాలెట్​ను వినియోగించుకునేందుకు వీలుగా తెలంగాణఆ తరహాలోనే ఒక రోజు స్పెషల్ క్యాజువల్ లీవును మంజూరు చేయాల్సిందిగా ఉద్యోగుల సంఘం నేతలు బొప్పరాజు, వలిశెట్టి దామోదర్ తదితరులు ఎన్నికల కమీషన్​ని (Election Commission) కోరారు. ప్రస్తుతం రాష్ట్రవ్యాప్తంగా చాలా జిల్లాల్లో ఉద్యోగులకు ఇంకా ఎన్నికల విధులను కేటాయిస్తూనే ఉన్నారని ఈ మేరకు జిల్లా అధికారుల నుంచి ఉత్తర్వులు జారీ అవుతున్నాయని వెల్లడించారు. సదరు ఉద్యోగుల సౌకర్యం కోసం పోస్టల్ బ్యాలెట్ జారీ కోసం ఈ నెల 30వ తేదీ వరకూ పోస్టల్‌ బ్యాలెట్‌ దరఖాస్తు గడువును పెంచాలని ఈసీకి విజ్ఞప్తి చేశారు.