LIVE : సీఎం చంద్రబాబు ప్రెస్​మీట్ - ప్రత్యక్షప్రసారం - CM CHANDRABABU PRESS MEET LIVE

CM Chandrababu Press Meet Live about Delhi Tour : ముఖ్యమంత్రి చంద్రబాబు దిల్లీ పర్యటన విజయవంతం అయ్యింది. రెండు రోజుల పర్యటనలో భాగంగా ప్రధాని మోదీ సహా వివిధ శాఖల కేంద్రమంత్రులతో  సీఎం భేటీ అయ్యారు. రాష్ట్ర ఆర్థిక పరిస్థితి, గడిచిన ఐదు సంవత్సరాల్లో జరిగిన విధ్వంసం గురించి ప్రధాని నరేంద్ర మోదీకి సీఎం చంద్రబాబు వివరించారు. గత ఐదేళ్లలో కేంద్ర ప్రథకాలకు మ్యాచింగ్‌ గ్రాంట్‌ ఇవ్వలేదని, అలాగే స్వర్ణాంధ్ర విజన్‌ డాక్యుమెంట్‌ గురించి చెప్పారు. అమరావతికి ప్రపంచ బ్యాంకు నిధులు వచ్చేలా చూడాలని కేంద్రన్ని కోరారు. అదేవిధంగా రాష్ట్రంలోని జాతీయ రహదారుల పెండింగ్‌ పనులు పూర్తి చేయాలని ప్రధానిని కోరారు. కేంద్రం నుంచి రావాల్సిన గ్యాస్‌ రాయితీ గురించి వివరించారు. సౌత్‌ ఇండియాలో 4 ముఖ్యమైన నగరాలను హైదరాబాద్‌, అమరావతి, చెన్నై, బెంగళూరు అనుసంధానం చేసేలా బుల్లెట్‌ రైలు నడపేలా చర్యలు తీసుకోవాలని తెలిపారు. అలాగే భోగాపురం విమానాశ్రయానికి వెళ్లే బీచ్‌ రోడ్డును విస్తరిస్తామని, విమానాశ్రయానికి హైవే, బీచ్‌రోడ్డు, మెట్రో ద్వారా రాకపోకలు సాగించే విధంగా అభివృద్ధి చేస్తామని, సివిల్‌ ఏవియేషన్‌ వర్సిటీ ఏర్పాటు చేసే యోచన ఉందని వెల్లడించారు. ప్రస్తుతం సీఎం చంద్రబాబు దిల్లీ పర్యటనపై మీడియా సమావేశం నిర్వహించారు. ప్రత్యక్షప్రసారం మీకోసం.