LIVE: ఏపీ శాసన మండలి సమావేశాలు - ప్రత్యక్ష ప్రసారం - AP LEGISLATIVE COUNCIL SESSIONS

AP LEGISLATIVE COUNCIL SESSIONS 2024 LIVE: ఆంధ్రప్రదేశ్​లో శాసనమండలి సమావేశాలు చివరి రోజు (5వ రోజు) కొనసాగుతున్నాయి. వైఎస్సార్సీపీ ప్రభుత్వ హయాంలో జరిగిన ఆర్థిక అవకతవకలపై శాసన సభలో నేడు ముఖ్యమంత్రి చంద్రబాబు శ్వేతపత్రం విడుదల చేయనున్నారు. టిడ్కో గృహాల స్థితిగతులపైనా నేడు అసెంబ్లీలో లఘు చర్చ జరగనుంది. శాసన సభ, శాసన మండలి సమావేశాలు నేటితో ముగియనున్నాయి.వైఎస్సార్సీపీ పాలనలో జరిగిన విధ్వంసాలు, అరాచకాలపై వరుస శ్వేతపత్రాలు విడుదల చేస్తున్న కూటమి ప్రభుత్వం, ఇప్పటివరకు ఆరు శ్వేతపత్రాలను ప్రకటించింది. పోలవరం-నీటిపారుదల రంగం, రాజధాని అమరావతి, ఇసుక, విద్యుత్‌ రంగాలకు సంబంధించి సచివాలయం వేదికగా చంద్రబాబు వైఎస్సార్సీపీ చేసిన అక్రమాలను, అరాచకాలను వివరించారు. శాసనసభ వేదికగా ఎక్సైజ్‌ శాఖ, శాంతిభద్రతలకు సంబంధించిన వాస్తవాలను చంద్రబాబు వెల్లడించారు. ఇవాళ ఆర్థిక రంగంపై ముఖ్యమంత్రి చంద్రబాబు శ్వేతపత్రాన్ని ప్రకటించనున్నారు. నేటితో శాసన సభ, మండలి సమావేశాలు ముగియనున్నాయి. ఏపీ శాసన మండలి సమావేశాలు ప్రత్యక్ష ప్రసారం.