Vigilance Raids on Milk Adulteration House:అనంతపురం జిల్లావ్యాప్తంగా పాలలో పెద్దఎత్తున కల్తీ జరుగుతోంది. రాప్తాడు మండలం బండమీదపల్లిలో రసాయనాలతో పాలు తయారుచేస్తున్న ఇంటిపై విజిలెన్సు అధికారుల బృందం దాడి చేసి పట్టుకున్నారు. అత్యంత ప్రమాదకరమైన మాల్తోడెక్స్ ట్రిన్ పౌడర్, ఉప్పు, పామాయిల్లను గ్రైండింగ్ చేసి పాలను తయారు చేస్తున్నట్లుగా గుర్తించారు. రైతుల నుంచి రోజూ 700 లీటర్ల పాలను సేకరించి, ఈ పాలలో రసాయన పాలను కల్తీచేసి చిక్కదనంగా మార్చి పాల డెయిరీలకు విక్రయిస్తున్నట్లు విచారణలో తేలింది.
అనంతపురం నగరంలో రోడ్డు సైడు పాలు విక్రయం చేసే వ్యాపారులు 90 శాతం మంది వరకు మాల్తోడెక్స్ ట్రిన్ రసాయన పౌడర్తోనే పాలు తయారు చేసి కల్తీ చేస్తున్నట్లుగా విజిలెన్సు అధికారుల విచారణలో స్పష్టమైంది. కల్తీ పాలు తయారు చేస్తున్న వ్యక్తిని దాడిచేసి పట్టుకున్నట్లు విజిలెన్సు డీఎస్పీ వెల్లడించారు. ఈ క్రమంలో విజిలెన్స్ డీఎస్పీ నాగభూషణం మాట్లాడుతూ అనంతపురం జిల్లావ్యాప్తంగా గత కొన్ని సంవత్సరాలు కల్తీ పాల తయారీ యథేచ్ఛగా జరుగుతుందని తెలిపారు. దీనిపై తమకు కొన్ని రోజుల క్రితం ఫిర్యాదులు వచ్చాయని ఈ క్రమంలో వారు దీనిపై ఎక్కడ జరుగుతుంది ఎలా జరుగుతుంది అని విచారించినట్లు వెల్లడించారు.
ఏపీలోనూ గజదొంగ ప్రభాకర్ చోరీలు - ఇంజినీరింగ్ కాలేజీలే టార్గెట్
ఈ నేపథ్యంలో బండమీదపల్లి అనే గ్రామంలో మూడు నాలుగు చోట్ల ఈ కల్తీ పాల తయారీ జరుగుతుందని విజిలెన్స్ డీఎస్పీ అన్నారు. మూందుగా రామిరెడ్డి అనే వ్యక్తి ఇంటికి తనిఖీకి వెళ్లగా అదే సమయంలో అతను కల్తీ పాలను తయారుచేస్తున్నాడని అన్నారు. కొన్ని రకాల కెమికల్స్తో ఈ వాళ్లు ఈ పాలను తయారు చేస్తున్నారని వెల్లడించారు. వీరు ఇలా తయారు చేసిన కల్తీ పాలను వ్యక్తులకు అమ్మకుండా నేరుగా పాల డైరీలకు అమ్ముతున్నారని తెలిపారు. ఈ కల్తీ పాలు తాగడం వల్ల చాలా మంది అనారోగ్యం బారిన పడుతున్నారని అంతే కాకుండా డయాబెటీస్ ఉన్న వారు ఈ పాలను తాగితే వారి ఆరోగ్యం మరింతగా దెబ్బ తింటుందని విజిలెన్స్ డీఎస్పీ తెలిపారు.
బాబోయ్ - ఈ పాలు తాగితే ప్రాణాలు పోవడమే ! (ETV Bharat) జిల్లావ్యాప్తంగా గత నాలుగు సంవత్సరాలు కల్తీ పాల తయారీ యదేచ్ఛగా జరుగుతుంది. దీనిపై మాకు కొన్ని రోజుల క్రితం ఫిర్యాదులు వచ్చాయి. ఈ క్రమంలో మేము దీనిపై ఎక్కడ జరుగుతుంది ఎలా జరుగుతుంది అని విచారించాము. ఈ నేపథ్యంలో బండమీదపల్లి అనే గ్రామంలో మూడు నాలుగు చోట్ల ఈ కల్తీ పాల తయారీ జరుగుతుంది. మూందుగా రామిరెడ్డి అనే వ్యక్తి ఇంటికి తనిఖీకి వెళ్లగా అదే సమయంలో అతను కల్తీ పాలను తయారుచేస్తున్నాడు. కొన్ని రకాల కెమికల్స్తో ఈ వాళ్లు ఈ పాలను తయారు చేస్తున్నారు.- నాగభూషణం, విజిలెన్స్ డీఎస్పీ
వందకు పైగా మహిళల వీడియోలు - మరోసారి కస్టడీకి మస్తాన్సాయి!
'ప్రభుత్వ పథకాలపై నిరంతరం అభిప్రాయ సేకరణ జరపాలి'