Student Photo Marfing Case In Guntur District: గుంటూరు జిల్లాలో ఓ బాలిక చిత్రాన్ని మార్ఫింగ్ చేసి బెదిరించిన యువకుడిని పోలీసులు కటకటాల వెనక్కి పంపారు. స్థానికంగాఉన్న బాలికను ఓ యువకుడు ప్రేమ పేరుతో వేధిస్తూ బెదిరింపులకు దిగాడని పోలీసులు వెల్లడించారు. గత 10 రోజులుగా వేధింపులు తీవ్రతరం అయ్యాయి. దీంతో తీవ్ర స్థాయిలో ఆందోళన చెందిన బాలికతో ఆత్మహత్యాయత్నానికి దిగింది. ఇది తెలుసుకున్న తండ్రికి గుండెపోటు రావడంతో అసలు విషయం వెలుగులోకి వచ్చింది. దీంతో సదరు యువకుడిని ఆరెస్టు చేసినట్లు పోలీసులు చెప్పారు. వివరాలోనికి వెళ్తే..
స్థానికంగా ఎనిమిదో తరగతి చదువుతున్న బాలికపై భాషా అనే యువకుడు తరచూ బాలికను వేధించేవాడు. అప్పటికీ బాలిక లొంగకపోయే సరికి ఆమె ఫొటోను మార్ఫింగ్ చేసి ఆమె ఫోన్కు పంపి బెదిరింపులకు దిగాడు. తనకు లొంగకపోతే ఆ ఫొటోను సోషల్ మీడియాలో పెడతానని బాలికను బెదిరించాడు. అయినప్పటికీ బాలిక తని మాటలను ఖాతర చేయకపోవడంతో అన్నంత పని చేశాడు. దీంతో తీవ్ర కలత చెందిన బాలిక ఆత్మహత్య యత్నానికి పాల్పడటంతో స్థానికంగా కలకలం రేగింది. దీంతో అసలు విషయం బయటకు పొక్కింది. ఈ విషయం బాలిక తండ్రికి తెలియడంతో ఆయనకు గుండెనొప్పి వచ్చి ఆస్పత్రిలో చేరారు. దీనిపై సమాచారం అందుకున్న పోలీసులు బాలిక ఫొటోను మార్ఫింగ్ చేసిన యువకుడిని అరెస్టు చేశారు.