ఎన్నికల ఓట్ల లెక్కింపుకు కట్టుదిట్టమైన ఏర్పాట్లు - గొడవలకు దిగితే పీడీ యాక్ట్‌, జిల్లా బహిష్కరణే! - June 4th Counting Votes in ap

Andhra Pradesh Election Counting Votes on June 4th: సార్వత్రిక ఎన్నికల ఓట్ల లెక్కింపునకు సమయం దగ్గరపడుతుండటంతో అధికారులు కట్టుదిట్టమైన ఏర్పాట్లు చేస్తున్నారు. పోలింగ్ అనంతరం రాష్ట్రంలో పెద్ద ఎత్తున హింస చెలరేగడంతో పోలీసులు మరిన్ని జాగ్రత్తలు తీసుకుంటున్నారు. కేంద్ర బలగాలను రంగంలోకి దించిన పోలీసు శాఖ వివిధ చోట్ల కవాత్ నిర్వహించింది. గొడవలకు దిగితే కఠిన చర్యలు తప్పవని హెచ్చరించింది.

Andhra Pradesh Election Counting Votes on June 4th :సార్వత్రిక ఎన్నికల ఓట్ల లెక్కింపునకు సమయం దగ్గరపడుతుండటంతో అధికారులు కట్టుదిట్టమైన ఏర్పాట్లు చేస్తున్నారు. పోలింగ్ అనంతరం రాష్ట్రంలో పెద్ద ఎత్తున హింస చెలరేగడంతో పోలీసులు మరిన్ని జాగ్రత్తలు తీసుకుంటున్నారు. కేంద్ర బలగాలను రంగంలోకి దించిన పోలీసు శాఖ వివిధ చోట్ల కవాత్ నిర్వహించింది. గొడవలకు దిగితే కఠిన చర్యలు తప్పవని హెచ్చరించింది.

హింసను ప్రేరేపిస్తే పీడీ యాక్ట్‌ : పల్నాడు జిల్లాలో పోలింగ్ అనంతరం హింస చెలరేగడంతో కౌంటింగ్‌కు కట్టుదిట్టమైన ఏర్పాట్లు చేశారు. లా అండ్‌ ఆర్డర్‌కు విఘాతం కలిగిస్తే కఠిన చర్యలు తప్పవని వార్నింగ్ ఇచ్చిన పల్నాడు ఎస్పీ మలికా గార్గ్‌ పిడుగురాళ్ల, దాచేపల్లి పట్టణాల్లో కేంద్ర బలగాలతో కలిసి కవాత్ నిర్వహించారు. ఇవాళ్టి నుంచి 5 వరకు జిల్లా వ్యాప్తంగా 144 సెక్షన్ అమల్లో ఉంటుందని తెలిపారు. హింసను ప్రేరేపిస్తే పీడీ యాక్ట్‌ పెడతామని హెచ్చరించారు.

ఓట్లు వివరాలు అందరికీ కనిపించేలా డిస్‌ప్లే బోర్డులు :ఏలూరు జిల్లాలో ఓట్ల లెక్కింపు సజావుగా నిర్వహించేందుకు అధికారులు అన్ని ఏర్పాట్లు చేశారు. 938 మంది సిబ్బందికి ఇప్పటికే శిక్షణ ఇచ్చారు. కౌంటింగ్‌ హాల్‌లో అభ్యర్థులకు వచ్చిన ఓట్లు వివరాలు అందరికీ కనిపించేలా డిస్‌ప్లే బోర్డులు ఏర్పాటు చేస్తున్నారు.

అదనపు బలగాలతో నిఘా ఏర్పాటు :ఓట్ల లెక్కింపు రోజు ఎలాంటి అవాంఛనీయ ఘటనలు చోటు చేసుకోకుండా రాయలసీమ జిల్లాలో కట్టుదిట్టమైన భద్రతా ఏర్పాట్లు చేశారు. అదనపు బలగాలతో నిఘా ఏర్పాటు చేసినట్లు అనంతపురం ఎస్పీ గౌతమి సాలి తెలిపారు. జిల్లాలోని సున్నితమైన ప్రాంతాల్లో భద్రత చర్యలు తీసుకున్నామని అన్నారు. పోలింగ్ కేంద్రం వద్ద మూడంచల భద్రత ఏర్పాటు చేసినట్లు చెప్పారు. పుట్టపర్తిలో నియోజకవర్గంలోని కొత్త చెరువులో డీఎస్పీ వాసుదేవన్ ఆధ్వర్యంలో పోలీసులు మాక్‌డ్రిల్ నిర్వహించారు.

పాణ్యంలో వీలైనంత త్వరగా లెక్కింపు :తిరుమలకు వచ్చే భక్తులకు ఎలాంటి ఇబ్బంది లేకుండా కౌంటింగ్‌ రోజు తిరుపతిలో భద్రతా ఏర్పాట్లు చేసినట్లు ఎస్పీ హర్ష వర్థన్‌ రాజు తెలిపారు. రాష్ట్రంలోనే అత్యంత ఎక్కువ రౌండ్లు ఉన్న పాణ్యంలో వీలైనంత త్వరగా లెక్కింపు పూర్తి చేసేందుకు చర్యలు చేపట్టినట్లు ఎన్నికల అధికారి మౌర్య తెలిపారు.

జిల్లా బహిష్కరణ :వైఎస్సార్ జిల్లా జమ్మలమడుగులో గొడవలకు కారణమవుతారని భావించిన 70 మందిని గుర్తించామని పోలీసులు తెలిపారు. వారిలో 32 మందిని గృహ నిర్బంధం చేస్తామని తెలిపారు. ఆరుగురిని జిల్లా బహిష్కరణ చేయనున్నట్లు తెలిపారు. కౌంటింగ్ తర్వాత విజయోత్సవ ర్యాలీలకు అనుమతి లేదని అన్నారు.

కేంద్ర బలగాలతో భద్రత ఏర్పాట్లు :విశాఖ జిల్లాలో కేంద్ర బలగాలతో భద్రత ఏర్పాట్లు చేసినట్లు విశాఖ నార్త్ జోన్ ఏసీపీ సునీల్ తెలిపారు. భీమిలిపై ప్రత్యేకంగా దృష్టి సారిస్తామని తెలిపారు.