SOFTWARE ENGINEER COMMITS SUICIDE: కుటుంబ కలహాలతో చిన్న విషయాలకే ఎంతో విలువైన ప్రాణాన్ని బలితీసుంటున్నారు. ఆవేశంలో తీసుకున్న నిర్ణయంతో కుటుంబం మొత్తం ఆ బాధని అనుభవిస్తున్నారు. ఉన్నతమైన ఉద్యోగాలు చేస్తున్న వారు సైతం అనాలోచిత నిర్ణయాలు తీసుకుంటున్నారు. తాజాగా మియాపూర్లో సాఫ్ట్వేర్ ఆత్మహత్య చేసుకున్న ఘటన తీవ్రంగా కలచివేస్తోంది.
అంతే కాకుండా టెక్నాలజీని సైతం తప్పుడు మార్గంలో ఉపయోగిస్తున్నారు. తాజాగా మృతి చెందిన సాఫ్ట్వేర్ ఉద్యోగి, ఆన్లైన్లో విష పదార్థాలను ఆర్డర్ చేయడం విస్తుగొలుపుతోంది. దీనిపై బాధితురాలి కుటుంబ సభ్యులు పోలీసులకు ఫిర్యాదు చేయగా, ఈ ఘటనపై కేసు నమోదు చేశారు. దీనికి సంబంధించిన పూర్తి వివరాలు ఇలా ఉన్నాయి.
కుటుంబ కలహాల నేపథ్యంలో ఆంధ్రప్రదేశ్కు చెందిన ఓ వివాహిత ఆత్మహత్యకు పాల్పడిన ఘటన మియాపూర్ పోలీస్‌స్టేషన్‌ పరిధిలో చోటుచేసుకుంది. మృతురాలి బంధువులు తెలిపిన వివరాల ప్రకారం, ఆంధ్రప్రదేశ్లోని ఏలూరు జిల్లా చాట్రాయి మండలానికి చెందిన మొక్కపాటి వెంకట నాగలక్ష్మి (29) సాఫ్ట్వేర్ ఇంజినీర్‌గా పనిచేస్తున్నారు. అయిదు నెలల క్రితం అదే జిల్లా ముసునూరు మండలం తోచిలుకకు చెందిన మొవ్వ మనోజ్ మణికంఠ అనే వ్యక్తితో పెళ్లి జరిగింది.