ఇంకా చిక్కని చిరుత - ట్రాక్​ కెమెరాల్లో కనిపిస్తున్నా! - LEOPARD ROAMING IN RAJAHMUNDRY

Leopard Wandering in Rajahmundry : రాజమహేంద్రవరంలోని దివాన్‌ చెరువు అటవీ ప్రాంతంలో తిష్ట వేసిన అధికారులు ఏర్పాటు చేసిన బోన్లలో మాత్రం చిక్కడం లేదు. అప్పుడప్పుడు ట్రాక్​ కెమెరాలలో మాత్ర కనిపిస్తోంది. తాజాగా చిరుత పాదముద్రలను అధికారులు గుర్తించారు. బోన్లకు చిక్కకుండా తిరుగుతున్న చిరుత జాడను కనిపెట్టేందుకు వివిధ ప్రాంతాల్లో సీసీ కెమెరాలు, ట్రాప్ కెమెరాలను ఏర్పాటు చేశారు.

Leopard Wandering in Rajahmundry in East Godavari District : తూర్పుగోదావరి జిల్లా రాజమహేంద్రవరం దివాన్​ చెరువు అటవీ ప్రాంతంలో సంచరిస్తున్న చిరుతను బంధించేందుకు అటవీశాఖ అధికారులు విశ్వప్రయత్నాలు చేస్తున్నారు. ట్రాప్ కెమెరాలకు చిక్కుతున్నా దానిని బంధించేందుకు ఏర్పాటు చేసిన బోన్లకు మాత్రం చిక్కడం లేదు. అయిదు రోజుల్లో రెండు పర్యాయాలు మాత్రమే కెమెరాకు చిక్కింది. దీని కదలికలను బట్టి ట్రాప్ కెమెరాలను, బోన్లను వేర్వేరు ప్రదేశాలకు మారుస్తున్నారు.

థర్మల్ డ్రోన్ ప్రయోగం :సాధారణ డ్రోన్ సహాయంతో చిరుత సంచారాన్ని గాలించినప్పటికీ జాడ కనపడలేదని అధికారులు తెలియజేశారు. థర్మల్ డ్రోన్​ సాయంతో గుర్తించేందుకు చర్యలు తీసుకున్నామని వెల్లడించారు. ఇటువంటి డ్రోన్ రాత్రిపూట సైతం సమర్థంగా పనిచేస్తుందని పేర్కొన్నారు.

ఆ రైతులకు చిరుత కష్టం - Leopard Wandering in Rajahmundry

హైవేపై స్పీడ్ మిట్ బోర్డులు :జాతీయ రహదారిపై ఆటోనగర్ నుంచి లాలా చెరువు హౌసింగ్ బోర్డు వరకు వాహనదారులు చిరుత కదలికల కారణంగా అప్రమత్తంగా ఉండాలని అధికారులు సూచిస్తున్నారు. రోడ్డుకి ఇరువైపులా గమనించుకుంటూ నెమ్మదిగా వెళ్లాలని జాగ్రత్తలు చెబుతున్నారు. జాతీయ రహదారి 16పై సదరు ప్రాంతాల్లో స్పీన్లిమిట్ బోర్డులు సైతం ఏర్పాటు చేశామని తెలిపారు.
ప్రజలు జాగ్రత్తలు పాటించాలి : చిరుత సాధారణంగా జనావాసాల్లోకి రావడం తక్కువని అటవీశాఖ అధికారులు చెబుతున్నారు. ఎవరికైనా చిరుత ఎదురుపడితే పరిగెత్తవద్దని తెలిపారు. చిరుతకు కాస్త దూరంగా ఉంటే అలాగే నిలబడి చేతులు పైకెత్తి దానివైపు ఒక కన్ను వేసి నెమ్మదిగా వెనక్కి నడవాలన్నారు. భయపడి పొదల మాటున నక్కి కూర్చుంటే జంతువు అని పొరబడి దాడి చేసే ప్రమాదం ఉందని హెచ్చరించారు. ఒకవేళ చిరుత దగ్గరగా ఎదురుపడితే చేతులు పైకెత్తి అరుస్తూ నెమ్మదిగా వెనక్కి వెళ్తే చిరుత కూడా వెనక్కి వెళ్లే అవకాశం ఉంటుందని వివరించారు.

"ఆపరేషన్ చిరుత"- రాజమహేంద్రవరం శివారు ప్రాంతాల్లో అటవీశాఖ అలర్ట్ - LEOPARD SPOTTED IN RAJAHMUNDRY

ట్రాప్ కెమెరాలో గుర్తింపు : దివాన్ చెరువు అభయారణ్యంలోనే చిరుత సంచరిస్తున్నా దృశ్యాలు ట్రాప్ కెమెరాలో దాని కదలికలు నమోదయ్యాయని జిల్లా అటవీశాఖాధికారి ఎస్.భరణి తెలిపారు. పాదముద్రలను సైతం గుర్తించామని వెల్లడించారు. దీని కదలికలను గుర్తించే నిమిత్తం సీసీ, ట్రాప్ కెమెరాలను మరికొన్ని ప్రదేశాల్లో అమర్చారని తెలియజేశారు. నివాస ప్రాంతాల్లో చిరుత సంచరిస్తున్నట్లు ఎటువంటి నిర్ధారణ జరగలేదని వివరించారు.