Fire Accident at Malakpet Metro Station in Hyderabad:హైదరాబాద్లోని మలక్‌పేట మెట్రో స్టేషన్‌ కింద శుక్రవారం మధ్యాహ్నం అగ్ని ప్రమాదం జరిగింది. ఈ ఘటనలో మెట్రో స్టేషన్‌ కింద పార్క్ చేసిన 5 ద్విచక్ర వాహనాలు దగ్ధమయ్యాయి. వాహనాలకు మంటలు అంటుకుని పొగ దట్టంగా వ్యాపించింది. దీంతో ప్రయాణికులు ఆందోళనకు గురయ్యారు. మలక్‌పేటలోని మెట్రో పిల్లర్ నెంబర్‌ 1409 వద్ద ఈ అగ్నిప్రమాదం చోటు చేసుకుంది.
స్థానికులు పోలీసులకు, ఫైర్ సిబ్బందికి సమాచారం ఇవ్వడంతో హుటాహుటిన ఫైర్ సిబ్బంది ఘటనా స్థలానికి చేరుకొని మంటలను అదుపు చేశారు. ఈ ఘటన ఎలా జరిగింది అనే దానిపై పోలీసులు దర్యాప్తు చేస్తున్నారు. ఈ ఘటనతో మలక్‌పేట - దిల్‌సుఖ్‌నగర్‌ మధ్య రాకపోకలకు కాసేపు అంతరాయం ఏర్పడింది.