AP Police Constable Physical Test 2024 Start :నిలిచిన కానిస్టేబుల్ పోస్టుల భర్తీ ప్రక్రియకు చర్యలు చేపట్టినట్లు రాష్ట్ర పోలీసురిక్రూట్ మెంట్ బోర్డు ఇన్ ఛార్జ్ ఛైర్మన్ ఆకే రవికృష్ణ పత్రికా ప్రకటనలో తెలిపారు. ఈ ఏడాది డిసెంబర్ చివరి వారంలో ఫిజికల్ టెస్ట్ నిర్వహించేందుకు ఏర్పాట్లు చేస్తున్నామన్నారు .
గత ప్రభుత్వంలో 2022లో 6,100 కానిస్టేబుల్ పోస్టుల భర్తీకి నోటిఫికేషన్ జారీ చేసింది. గతేడాది జనవరిలో నిర్వహించిన ప్రిమిలినరీ పరీక్ష నిర్వహించారు. 4,59,182 మంది ప్రిమిలినరీ పరీక్షకు హోజరు కాగా 95,208 మంది అభ్యర్థులు ఈ పరీక్షలో అర్హత సాధించారు. 91,507 మంది అభ్యర్ధులు మాత్రమే ఫిజికల్ టెస్ట్కు ఆన్ లైన్లో దరఖాస్తు చేసుకున్నారు. ఫిజికల్ టెస్ట్ దరఖాస్తు చేసుకోని అభ్యర్ధులకు మరోసారి అవకాశం ఇస్తున్నట్లు పోలీసు రిక్రూట్ మెంట్ బోర్డు ఛైర్మన్ తెలిపారు. ఈనెల 11వ తేదీ సాయంత్రం 3 నుంచి 21 వతేదీ సాయంత్రం 5 గంటల వరకు slprb.ap.gov.in వెబ్ సైట్లో దరఖాస్తు చేసుకోవచ్చని ప్రకటనలో పేర్కొన్నారు. ప్రిమిలినరీ పరీక్ష అనంతరం కానిస్టేబుల్ భర్తీ ప్రక్రియ పలు కారణాల వల్ల నిలిచిపోయింది. ఎన్డీఏ కూటమి ప్రభుత్వం నిలిచిన భర్తీ ప్రక్రియను తాజాగా ప్రారంభించింది.