'భార్యతో గొడవ పడి మద్యం మత్తులో బాంబు బెదిరింపు కాల్'- నిందితుడి అరెస్ట్ - Bomb threat phone call

Fake Phone Call to Praja Bhavan Case : మంగళవారం తెలంగాణ ప్రజాభవన్​, నాంపల్లి కోర్టుకు బాంబు బెదిరింపు ఫోన్​ చేసిన వ్యక్తిని పంజాగుట్ట పోలీసులు అరెస్టు చేశారు. చిక్కడపల్లికి చెందిన శివకుమార్ అలియాస్​ అశోక్​​ను పోలీసులు అదుపులోకి తీసుకున్నారు. భార్యతో గొడవ పడి మద్యానికి బానిసై డిప్రెషన్​లో ఇలా చేశానని పోలీసులకు తెలిపాడు.

Fake Phone Call to Praja Bhavan Case : తెలంగాణ ప్రజాభవన్​, నాంపల్లి కోర్టుకు మంగళవారం బాంబు బెదిరింపు ఫోన్​ కాల్​ చేసిన వ్యక్తిని పంజాగుట్ట పోలీసులు అరెస్టు చేశారు. చిక్కడపల్లికి చెందిన శివకుమార్ అలియాస్​ అశోక్​​ను పోలీసులు అదుపులోకి తీసుకున్నారు. డయల్​ 100కి వచ్చిన ఫోన్​ నంబర్​ ఆధారంగా నిందితుడిని ఈస్ట్​ జోన్​ టాస్క్​ఫోర్స్​ పోలీసులు అదుపులోకి తీసుకున్నారు.

ఆ నిందితుడిని నాంపల్లి పోలీసులకు టాస్క్​ఫోర్స్​ పోలీసులు అప్పగించారు. మంగళవారం ఉదయం పంజాగుట్ట ప్రజాభవన్​లో, నాంపల్లి కోర్టులో బాంబు పెట్టామని కాసేపట్లో పేలుతుందని ఫోన్​ చేసి నిందితుడు శివకుమార్​ టెన్షన్​ క్రియేట్​ చేశాడు. భార్యతో గొడవ పడి మద్యానికి బానిసై డిప్రెషన్​లో ఇలా చేశానని పోలీసులకు తెలిపాడు. గతంలో శివకుమార్​ ద్విచక్ర వాహనాలు దొంగతనం కేసులో నిందితుడిగా ఉన్నట్లు పోలీసులు గుర్తించారు.