"వీడు అసలు మనిషేనా?" - తల్లితో అలా, కుమార్తెతో ఇలా!

తల్లితో సహజీవనం చేస్తూనే కుమార్తెపై కన్నేసిన కామాంధుడు - బాలికతో కలిసి అదృశ్యం - హైదరాబాద్​లో పట్టివేత

Girl Abduction Case in Ongole : ఆ మహిళ భర్తకు దూరంగా ఉంటూ కుమార్తెతో వేరుగా జీవిస్తోంది. అప్పుడే ఆమెకు ఓ వ్యక్తి పరిచయమయ్యాడు. మాయమాటలతో దగ్గరయ్యాడు. తమకు చేదోడుగా వాదోడుగా ఉంటాడనుకుందో ఏమో తెలియదు కానీ సదరు మహిళ ఆ మాటలు నమ్మి అతడితో సహజీవనం చేస్తోంది. ఇక్కడే అతను తన వక్రబుద్ధిని బయటపెట్టాడు. ఆమె కుమార్తెపై కన్నేశాడు. ప్రేమ పేరుతో ఆ మైనర్​ బాలికను లోబర్చుకున్నాడు. అంతటితో ఆగకుండా ఆ యువతిని లోబరుచుకొని అపహరించాడు. ఈ విషయం తెలియని ఆ తల్లి వారి కోసం వెతికింది. చివరికి పోలీసులకు ఫిర్యాదు చేయడంతో ఈ విషయం వెలుగులోకి వచ్చింది.

ఇందుకు సంబంధించి పోలీసుల కథనం మేరకు ఒంగోలు సమీపంలోని ఓ గ్రామానికి చెందిన మహిళ తన భర్తకు దూరంగా ఉంటోంది. పదో తరగతి చదువుతున్న కుమార్తెతో వేరుగా నివసిస్తోంది. టంగుటూరు మండలం పొందూరుకు చెందిన ఇండ్లా రాజు అనే వ్యక్తితో కొంతకాలంగా సహజీవనం చేస్తోంది. ఈ క్రమంలో మైనర్​ బాలికను రోజూ పాఠశాలకు తీసుకెళ్లి తీసుకొస్తుండేవాడు. తల్లితో సహ జీవనం చేస్తూ తండ్రి స్థానంలో ఉన్న అతడు నైతికతను మరిచాడు.

A Man Abducted Stepdaughter :ప్రేమ పేరుతో రాజు ఆ మైనర్​ బాలికకు మాయ మాటలు చెప్పాడు. అది నిజమేనని ఆ బాలిక నమ్మింది. రెండు రోజుల క్రితం ఇద్దరూ పాఠశాలకంటూ ఇంటి నుంచి బయటికెళ్లారు. సాయంత్రమైనా తిరిగి రాలేదు. దీంతో బాలిక తల్లి ఒంగోలు రెండో పట్టణ పోలీస్​ స్టేషన్​లో ఫిర్యాదు చేసింది. విచారణ చేపట్టిన పోలీసులు బాలికతో పాటు నిందితుడు హైదరాబాద్‌లో ఉన్నట్లు గుర్తించి ఒంగోలు తీసుకొచ్చారు. రాజుపై పోక్సో చట్టం కింద కేసు నమోదు చేసినట్లు సీఐ ఎం.శ్రీనివాసరావు పేర్కొన్నారు.