David Johnson Cricket Career :భారత మాజీ క్రికెటర్ డేవిడ్ జాన్సన్ ఇటీవలె అనుమానాస్పద పరిస్థితుల్లో మృతిచెందారు. బెంగళూరులోని తన ఇంటి బాల్కనీ నుంచి కిందపడటం వల్ల తీవ్రంగా గాయపడ్డారు. ఆయన మృతి పట్ల క్రికెటర్లు సంతాపం వ్యక్తం చేస్తున్నారు. అయితే డేవిడ్ క్రికెట్ కెరీర్ ఎలా మొదలైందంటే?
భారత్ తరఫున 1996లో టెస్టుల్లో అరంగేట్రం చేశాడు దివంగత క్రికెటర్ డేవిడ్ జాన్సన్. దిల్లీలో ఆస్ట్రేలియాతో జరిగిన మొదటి మ్యాచ్లో ఆయన 157.8 కిమీ/గం వేగంతో ఓపెనర్ మైఖేల్ స్లేటర్ను డకౌట్ చేశాడు. మొదటి ఇన్నింగ్స్లో నాలుగు ఓవర్లు వేసిన డేవిడ్ జాన్సన్ ఒక్క వికెట్ కూడా తీయలేకపోయాడు. సెకండ్ ఇన్నింగ్స్లో మొదటి ఓవర్లోనే స్లేటర్ను పెవిలియన్కి చేర్చాడు.
ఆఫ్-స్టంప్ అవుట్ సైడ్ వేసిన బాల్ని ఆడబోయిన స్లేటర్, ఫస్ట్ స్లిప్లో ఉన్న మహ్మద్ అజారుద్దీన్ చేతికి చిక్కాడు. భారత్కు 179 పరుగుల ఫస్ట్ ఇన్నింగ్స్ ఆధిక్యం లభించింది. ఆస్ట్రేలియా రెండో ఇన్నింగ్స్లో జాన్సన్ వికెట్ కోల్పోవడంతో, 234 పరుగులకే ఆలౌటైంది. భారత్ 56 పరుగులు చేయాల్సి వచ్చింది. చివరికి ఏడు వికెట్లు తేడాతో ఘన విజయం అందుకుంది.
రెండో ఇన్నింగ్స్లో డేవిడ్ జాన్సన్ 12 ఓవర్లలో 40 పరుగులు ఇచ్చి, ఒక వికెట్ పడొట్టాడు. ఇదే అతని భారత్ తరఫున ఆడిన చివరి హోమ్ టెస్ట్గా మారింది. కర్ణాటకలో జన్మించిన ఈ స్పీడ్స్టర్ తన కెరీర్లో ఆ సంవత్సరం చివరిలో దక్షిణాఫ్రికా పర్యటనలో ఒకే ఒక్క టెస్టు ఆడాడు.