చికాగో ఆంధ్ర సంఘం 8వ వార్షికోత్సవం, రత్నం చిట్టూరికి లైఫ్ టైం అచీవ్మెంట్ - Chicago Andhra Association

చికాగో ఆంధ్ర సంఘం(CAA)అష్టమ వార్షికోత్సవ వేడుకలు ఘనంగా జరిగాయి. యెల్లో బాక్స్ (Yellow Box) ఆడిటోరియంలోజరిగిన వార్షికోత్సవ వేడుకలకు చికాగో వాసులు పెద్ద సంఖ్యలో హాజరయ్యారు. ప్రవాసాంధ్రులంతా ఒక చోట చేరి సంస్కృతిక కార్యక్రమాలను వీక్షించారు.

దేశంకాని దేశంలో చెట్టుకొకరు పుట్టకొకరుగా ఉంటున్న ప్రవాసాంధ్రులందరినీ ఒకచోట చేర్చే చికాగో ఆంధ్ర సంఘం వార్షికోత్సవ వేడుకలు ఘనంగా నిర్వహించారు. CAAఅధ్యక్షురాలు శ్వేత కొత్తపల్లి, చైర్మన్ శ్రీనివాస్ పెదమల్లు, ఉపాధ్యక్షులు శ్రీకృష్ణ మతుకుమల్లి ఈ వేడుకలను దగ్గరుండి నిర్వహించారు. వార్షికోత్సవాలకు చికాగో నగరానికి చెందిన సుమారు1100 మందికి పైగా అతిథులు హాజరయ్యారు.

చికాగో ఆంధ్ర సంఘం

కర్ణాటక సంగీత సాంప్రదాయ గీతాలు, కృతులు, కూచిపూడి, భరతనాట్య నృత్య ప్రదర్శనలు, ఆధునిక చలనచిత్ర గీత నృత్యాలు, నాటికలతో అంగరంగ వైభవంగా నిర్వహించారు. చిరంజీవి, బాలకృష్ణ, కమలహాసన్, రజనీకాంత్, రమ్యకృష్ణ, సౌందర్య వంటి ఎంతో మంది అగ్రతారలను ఇమిటేట్‌ చేస్తూ వినూత్నమైన ప్రదర్శనతో ప్రేక్షకులను అలరించారు. ఈ వేడుకలకు సహాయ కాన్సల్ జనరల్ ఆఫ్‌ ఇండియా సంజీవ్ పాల్ ముఖ్య అతిధిగా పాల్గొన్నారు.

చికాగో ఆంధ్ర సంఘం

ప్రతి వార్షికోత్సవం వేళ చికాగో ఆంధ్ర సంఘం ఇచ్చే "లైఫ్ టైం అచీవ్మెంట్" పురస్కారాన్ని ఈ ఏడాది ప్రముఖ విద్యావేత్త రత్నం చిట్టూరికి అందించారు. రత్నం చిట్టూరి కార్పొరేట్ రంగంలో 3 దశాబ్దాలు సేవలందించి అందరికీ విద్య ఆశయంతో “నార్త్ సౌత్ ఫౌండేషన్‌ ఏర్పాటు చేశారు.

చికాగో ఆంధ్ర సంఘం

సాంస్కృతిక కార్యక్రమాలు వేడుకకు ప్రత్యేక ఆకర్షణగా నిలిచాయి. పిల్లలు, పెద్దలు అందరూ తరతమ భేదాలు మరిచి వేడుకల్లో ఆడిపాడారు. పనిఒత్తిడితో నిత్యం తలమునకలై ఉండే ప్రసాంధ్రులు ఇలాంటి ఉత్సావాల్లో పాల్గొని ఆనందించారు.