Healthy Skin Ayurvedic Home Remedy :అందంగా కనిపించేందుకు చాలా మంది ఏవేవో ప్రయత్నాలు చేస్తుంటారు. కానీ, ఎన్ని సౌందర్య ఉత్పత్తులు యూజ్ చేసినా ఫలితం కొద్దిసేపటి వరకే ఉంటుంది! అలా కాకుండా.. మీరు డైలీ ఈ ఆయుర్వేదిక్ మిశ్రమాన్ని కొద్దిగా తీసుకున్నారంటే చాలు.. చర్మాన్ని ఆరోగ్యంగా ఉంచుకోవడంతోపాటు మెరిసే అందాన్ని సొంతం చేసుకోవచ్చంటున్నారు ప్రముఖ ఆయుర్వేదిక్ కన్సల్టెంట్ డాక్టర్ గాయత్రీ దేవీ.
ఇందుకోసం ఎక్కువగా శ్రమించాల్సిన పనిలేదు.. ఎక్కువ పదార్థాలు కూడా అవసరం లేదు. చాలా సింపుల్గా వంటింట్లో లభించే మూడే మూడు పదార్థాలతోచర్మాన్ని(Skin)మెరిపించే బెస్ట్ హోమ్ రెమిడీని సిద్ధం చేసుకోవచ్చంటున్నారు. ఇంతకీ, ఆ హోమ్ రెమిడీకి కావాల్సిన పదార్థాలేంటి? దాన్ని ఎలా ప్రిపేర్ చేసుకోవాలి? ఏవిధంగా తీసుకోవాలి? అనే వివరాలు ఈ స్టోరీలో తెలుసుకుందాం.
కావాల్సిన పదార్థాలు :
- గట్టి పెరుగు - 250 గ్రాములు
- పంచదార - 100 గ్రాములు
- యాలకుల పొడి - పావుచెంచా
తయారీ విధానం :
- ఇందుకోసం ముందుగా గట్టి పెరుగు తీసుకోవాలి. ఆపై దాన్ని ఒక క్లాత్లో వేసి అందులో వాటర్ పోయేంత వరకు గట్టిగా పిండాలి.
- అవసరమైతే గట్టిగా పిండి మూటగట్టి దానిపై ఒక బరువు పెట్టి రెండు నుంచి మూడు గంటల పాటు ఉంచితే అందులోని వాటర్ అంతా బయటకు వచ్చేస్తుంది. పెరుగులో ఉండే ఘన పదార్థం మాత్రమే తీసుకోవాలి.
- ఆ తర్వాత పెరుగు ముద్దను ఒక బౌల్లోకి తీసుకొని అందులో చక్కెరను పొడి చేసి యాడ్ చేసుకోవాలి. అలాగే యాలకుల పొడి కూడా వేసుకొని ఆ మిశ్రమం మొత్తం కలిసేలా బాగా మిక్స్ చేసుకోవాలి. అంటే.. అది మెత్తని పేస్ట్ మాదిరిగా మారే వరకు కలుపుకోవాలి.
- ఆ విధంగా ప్రిపేర్ చేసుకున్నాక.. పిండి పట్టుకునే జల్లెడపై పెరుగు ముద్దని వేసి చెంచాతో రుద్దుకోవాలి.
- దీనివల్ల ఏవైనా మలినాలు ఉంటే జల్లెడలో మిగిలిపోతాయి.
- ఇప్పుడు జల్లెడ పట్టుకున్న మంచి మిశ్రమాన్ని బౌల్లోకి తీసుకుంటే సరిపోతుంది.
- అంతే.. చర్మ ఆరోగ్యానికి ఎంతగానో సహాయపడే బెస్ట్ ఆయుర్వేదిక్ హోమ్ రెమిడీ సిద్ధం!
- దీన్ని తినడం వల్ల చర్మం ఎంతగానో మెరిసిపోతుందని డాక్టర్ గాయత్రీ దేవీ చెబుతున్నారు.