RAYALASEEMA STYLE MUTTON FRY :వీకెండ్ వచ్చిందంటే చాలు! ఎక్కడికి వెళ్లాలి? ఏ ఫుడ్ ఆస్వాదించాలనే చూస్తుంటారు నగర వాసులు. సెలవురోజుల్లో ప్రత్యేకించి ఆదివారం వచ్చిందంటే చికెన్, మటన్ లాంటి వంటకాలపై ఓ కన్నేసి ఉంచుతారు మాంసాహారప్రియులు. అందుకే అలాంటి వారి కోసం జిహ్వ చాపల్యం తీరేలా రాయలసీమ స్టైల్ మటన్ ఫ్రై వంటకాన్ని సిద్ధంగా చేశాం. తయారీ ఎలాగో చూసేద్దామా?!
నానబెట్టడాలు, మిక్సీ పట్టడాల్లేవ్! - 10 నిమిషాల్లో కరకరలాడే రవ్వ పునుగులు
మటన్ కర్రీ కంటే మటన్ వేపుడు చాలా బాగుంటుంది. తెలంగాణ స్టైల్లో మటన్ కర్రీ, ఆంధ్రా స్టైల్లో మటన్ పులుసు, ఇక రాయలసీమలో చేసే మటన్ వేపుడు అదిరిపోతుంది. మటన్ వేపుడు కొత్తేమీ కాకున్నా రాయలసీమలోని కర్నాలు, చిత్తూరులో చేసే మటన్ ఫ్రై ఘాటు ఎక్కువ. స్పైసీ రుచులు ఇష్టపడే వారికి ఇది చాలా అద్భుతహ అనిపిస్తుంది. ఈ మటన్ వేపుడు 3రోజుల పాటు నిల్వ కూడా పెట్టుకోవచ్చు. పప్పుచారుతో కలిపి తింటే ఎంతో రుచిగా ఉంటుంది.
మటన్ ఫ్రై కోసం కావాల్సిన పదార్థాలు :
- మటన్ - అరకిలో
- అల్లం వెల్లులి పేస్టు - 1 టేబుల్ స్పూన్
- ధనియాల పొడి 1 టేబుల్ స్పూన్
- కారం - 2 టేబుల్ స్పూన్లు
- ఉప్పు - తగినంత
- నూనె - 3 టేబుల్ స్పూన్లు
- పసుపు - 1 టేబుల్ స్పూన్
ఫ్రై బాగా రావడానికి ఈ టిప్స్ పాటించండి
- ఫ్రై కోసం ఎముకలున్న మాంసం కాకుండా కండ తీసుకోవడం బెటర్.
- మటన్ మసాలాలతో ఎంత ఎక్కువ సేపు నానితే అంత రుచిగా వస్తుంది.
- మంట లో ఫ్లేమ్లో పెట్టి నీరు ఇంకేదాగా వేపితే నిల్వ ఉంటుంది.
- ఫ్రై కదా అని మటన్ మరీ ఎక్కువగా వేయించితే తేమ తగ్గిపోయి ముక్కలు గట్టిగా మారిపోతాయి.
పాతకాలపు 'ఉప్మా' తయారీ విధానం - ఇలా చేస్తే మీకు 100 మార్కులు గ్యారెంటీ!
మటన్ ఫ్రై చేయడానికి :
- నూనె - అర కప్పు
- అల్లం వెల్లులి పేస్టు - 1 టేబుల్ స్పూన్
- ఎండు మిర్చి - 4
- పచ్చిమిర్చి - 3
- గరం మసాలా -1 టేబుల్ స్పూన్
- కొత్తిమీర - ఒక చిన్న కట్ట
- కరివేపాకు - రెండు రెబ్బలు
తయారీ విధానం :
- ముందు రోజు సాయంత్రమే లేలేత ఎర్రని మటన్ తెచ్చుకుని మసాలాలు కలిపి రాత్రంతా ఫ్రిడ్జ్ లో ఉంచాలి. కనీసం 3 గంటలైనా ఫ్రిజ్లో పెడితే చక్కగా పీల్చుకుంటుంది.
- మారినేట్ చేసిన మటన్ మరుసటి రోజు కుక్కర్లో వేసి పావులీటర్ నీళ్లు పోసుకోవాలి. స్టవ్ మీడియం ఫ్లేం మీద పెట్టి 4 విజిల్స్ వచ్చే వరకు ఉడకనివ్వాలి. రాత్రంతా కాకుండా 3 గంటలు మాత్రమే నానబట్టినట్లయితే ఐదారు విజిల్స్ సరిపోతాయి.
- మటన్ మెత్తగా ఉడికిన తర్వాత అడుగు మందంగా ఉన్న మూకుడు లో నూనె వేడి చేసుకోవాలి. అందులో కరివేపాకు ఎండుమిర్చి, పచ్చిమిర్చి వేసి వేపుకోవాలి.
- అల్లం వెల్లులి ముద్ద కూడా వేసి వేయించి మెత్తగా ఉడికించిన మటన్ (నీళ్లతో సహా) వేసి బాగా కలిపి హై టు మీడియం ఫ్లేం మీద వేగనివ్వాలి.
- 15 నిమిషాలు వేగిన తర్వాత నీరు ఇంకిపోయి నూనె పైకి తేలుతుంది. అప్పుడు మరో సారి బాగా కలుపుకొని గరం మసాలా వేసి వేపుకోవాలి.
- కొద్దిగా తేమ ఉన్నపుడు పొయ్యి మీద నుంచి దింపుకొని కొత్తిమీర, కరివేపాకు చల్లుకుంటే సరిపోతుంది.
- మసాలాలు, అల్లం వెల్లుల్లి పేస్ట్ అప్పటికప్పుడు చేసుకున్నవి అయితేనే ఫ్రైకి మంచి రుచి ఇస్తాయి.
ఈ కిచిడీ పోషకాల గని - వారం రోజులు తింటే పూర్తి ఆరోగ్యం మీ సొంతం!
అతి ప్రాచీన వంటకం 'కుంభకోణం సాంబార్' - జీవితంలో ఒక్కసారైనా రుచి చూడాల్సిందే!
