Indian Film Industry Power List Actors : గత కొంత కాలంగా ఇండియన్ ఫిల్మ్ ఇండస్ట్రీలో చాలా మార్పులు వచ్చాయి. కథ, కంటెంట్ బాగుంటే చాలు ఏ భాషా చిత్రాన్నైనా ప్రేక్షకులు బాగా ఆదరిస్తున్నారు. దీంతో భాషల మధ్య భేదం చెరిగిపోయింది. అందుకే దర్శక-నిర్మాతలు కూడా తమ సినిమాల్లో ఇతర భాషల నటీనటులను ఎక్కువుగా తీసుకుంటున్నారు.
అయితే రీసెంట్గా కొందరు సాంకేతిక నిపుణులు, నటీనటులు మన ఇండియన్ సినిమాను ప్రపంచ యవనికపై నిలబెట్టారు. ఏకంగా అంతర్జాతీయ స్థాయిలో మన సినిమా అంటే అద్భుతం అనేలా మాట్లాడుకునేలా చేశారు. తాజాగా అలా చేసిన పవర్‌ఫుల్‌ యాక్టర్స్ జాబితాను విడుదల చేసింది ఆంగ్ల సినీ మ్యాగజైన్‌ ఫిల్మ్ కంపానియన్‌.
ఆర్మాక్స్ మీడియాతో కలిసి ఈ లిస్ట్ను తయారు చేసింది. జనవరి 2021 నుంచి డిసెంబరు 2023 మధ్య తమ సినిమాలు, యాక్టింగ్తో వార్తల్లో నిలిచిన యాకర్స్, టెక్నిషియన్స్ లిస్ట్ను రిలీజ్ చేసింది. అయితే ఇందులో ఎవరికి ర్యాంకులు లేవని తెలిపింది.
టాలీవుడ్ నుంచి పాన్ ఇండియా రెబల్ స్టార్ ప్రభాస్, పవర్ స్టార్ పవన్‌ కల్యాణ్‌, సూపర్ స్టార్ మహేశ్‌బాబు, ఐకాన్ స్టార్ అల్లు అర్జున్, మెగా పవర్ స్టార్ రామ్ చరణ్, యంగ్ టైగర్ ఎన్టీఆర్‌లు ఈ లిస్ట్లో స్థానం సంపాదించుకున్నారు.