SBI SO Recruitment 2024 :దేశంలోని అతిపెద్ద ప్రభుత్వ రంగ బ్యాంకు అయిన స్టేట్‌ బ్యాంక్ ఆఫ్‌ ఇండియా (ఎస్‌బీఐ), సెంట్రల్ రిక్రూట్మెంట్ & ప్రమోషన్ డిపార్ట్‌మెంట్, కార్పొరేట్ సెంటర్ - రెగ్యులర్ ప్రాతిపదికన స్పెషలిస్ట్ కేడర్‌ ఆఫీసర్ పోస్టుల భర్తీ కోసం భారీ నోటిఫికేషన్ విడుదల చేసింది. ఈ రిక్రూట్మెంట్ నోటిఫికేషన్ ద్వారా 1,511 స్పెషలిస్ట్ కేడర్‌ ఆఫీసర్ నియమకాలకు దరఖాస్తులను ఆహ్వానిస్తోంది. అర్హత, ఆసక్తి ఉన్న అభ్యర్థులు అక్టోబర్‌ 4వ తేదీలోగా ఆన్‌లైన్‌లో దరఖాస్తు చేసుకోవాలి.
పోస్టుల వివరాలు
- డిప్యూటీ మేనేజర్ (సిస్టమ్స్) - ప్రాజెక్ట్ మేనేజ్‌మెంట్ అండ్ డెలివరీ - 187 పోస్టులు
- డిప్యూటీ మేనేజర్ (సిస్టమ్స్) - ఇన్‌ఫ్రా సపోర్ట్ అండ్ క్లౌడ్ ఆపరేషన్స్ - 412 పోస్టులు
- డిప్యూటీ మేనేజర్ (సిస్టమ్స్) - నెట్‌వర్కింగ్ ఆపరేషన్స్ - 80 పోస్టులు
- డిప్యూటీ మేనేజర్ (సిస్టమ్స్) - ఐటీ ఆర్కిటెక్ట్ - 27 పోస్టులు
- డిప్యూటీ మేనేజర్ (సిస్టమ్స్) - ఇన్ఫర్మేషన్ సెక్యూరిటీ - 07 పోస్టులు
- అసిస్టెంట్ మేనేజర్ (సిస్టమ్) - 798 పోస్టులు
- మొత్తం పోస్టులు - 1,511
విద్యార్హతలు :పోస్టును అనుసరించి అభ్యర్థులు సంబంధిత విభాగంలో బీఈ, బీటెక్, ఎంసీఏ, ఎంటెక్‌, ఎంఎస్సీ ఉత్తీర్ణతతో పాటు పని అనుభవం కలిగి ఉండాలి.
వయోపరిమితి : 2024 జూన్‌ 30 నాటికి డిప్యూటీ మేనేజర్ పోస్టులకు 25 నుంచి 35 ఏళ్లు; అసిస్టెంట్ మేనేజర్ పోస్టులకు 21 ఏళ్ల నుంచి 30 ఏళ్ల మధ్య అభ్యర్థుల వయస్సు ఉండాలి.