Junior Associates Jobs in SBI :ఎస్బీఐ భారీ సంఖ్యలో జూనియర్‌ అసోసియేట్స్ ఖాళీలు భర్తీ చేయబోతోంది. గత కొన్ని సంవత్సరాలుగా ఎన్నడూలేని విధంగా దేశ వ్యాప్తంగా 13,735 పోస్టులు ఉన్నాయి. తాజాగా విడుదల అయిన నోటిఫికేషన్‌ ప్రకారం తెలంగాణలో 342, ఏపీలో 50 ఖాళీలు ఉన్నాయి. తెలంగాణ, ఏపీ రాష్ట్రాల్లో ఆంగ్లంతో పాటుగా తెలుగు, హిందీ, ఉర్దూ భాషలో ఎస్బీఐ నియామక పరీక్ష రాసుకునే అవకాశం ఉంది.
ఎంపిక విధానం :ఆన్‌లైన్‌ పరీక్షలు 2 దశల్లో నిర్వహించి ఉద్యోగాలకు అర్హులను ఎంపిక చేస్తారు.
Latest SBI Jobs :మొదటి దశలో నిర్వహించే ప్రిలిమ్స్‌ పరీక్షలో ఉత్తీర్ణులు అయిన అభ్యర్థులు రెండో దశలోని మెయిన్స్‌ ఎక్సామ్ అర్హత సాధిస్తారు. మెయిన్స్‌లో అభ్యర్థులకు వచ్చిన మార్కుల ఆధారంగా తుది ఎంపిక జరుగుతుంది. ప్రిలిమ్స్‌ పరీక్షలోని మార్కులను తుది ఎంపికకు పరిణనలోకి తీసునబడవు. అది కేవలం అర్హత పరీక్ష మాత్రమే.
బోనస్‌ మార్కులు : ఎస్బీఐలో అప్రెంటిస్‌షిప్‌ చేసిన అభ్యర్థులకు మెయిన్స్‌ పరీక్షలో ఐదు మార్కులు (2.5 %) అదనంగా కలుపుతారు. అయితే ఈ అప్రెంటిస్‌షిప్‌ 30-11-2024లోగా పూర్తి అయి ఉండాలి.