Dead Body Eyes Missing In UP :శవపరీక్షల కోసం ఆస్పత్రిలో ఉంచిన మృతదేహం కళ్లు మాయమయ్యాయి. ఈ ఘటన ఉత్తర్ప్రదేశ్లోని బస్తీ జిల్లా ఆస్పత్రిలో జరిగింది. ఆత్మహత్య చేసుకున్న ఓ యువతి కళ్లు మాయం కావడం ఆస్పత్రిలో చర్చనీయాంశమైంది.
ఇదీ జరిగింది
సొనాహ్ ప్రాంతంలోని శంకర్పుర్కు చెందిన 17ఏళ్ల శశికళ గురువారం ఆత్మహత్యకు పాల్పడింది. దీనిని గమనించిన తల్లిదండ్రులు సమీపంలోని జిల్లా ఆస్పత్రికి తరలించారు. పరిస్థితి విషమించడం వల్ల అక్కడే చికిత్స పొందుతూ మరణించింది. దీంతో మృతదేహాన్ని శవపరీక్షల కోసం అక్కడే ఉంచారు. అయితే రాత్రి అయిపోవడం వల్ల శుక్రవారం శవపరీక్షలు చేస్తామని చెప్పారు వైద్యులు. ఈ క్రమంలోనే శుక్రవారం మార్చురీకి వెళ్లారు తల్లిదండ్రులు. పరీక్షల కోసం శశికళ మృతదేహాన్ని బయటకు తీయగా, ఆమె కళ్ల నుంచి రక్తం రావడాన్ని గమనించారు. వెంటనే తల్లిదండ్రులు పరీక్షించగా, ఆమె రెండు కళ్లు కనిపించలేదు. ఆస్పత్రి నిర్లక్ష్యం వల్లే తమ కూతురు కళ్లు మాయమయ్యాంటూ తల్లిదండ్రులు ఆరోపించారు. మరికొందరు కళ్లను ఎలుకలు కొరికేశాయంటూ ఆరోపిస్తున్నారు.