கரோனா தொற்று நோய் அச்சம் காரணமாக இந்தியாவில் மார்ச் இறுதி வாரம் முதல் தேசிய ஊரடங்கு உத்தரவு அமல்படுத்தப்பட்டுள்ளது. இதனால் அனைத்துவித படப்பிடிப்புகளும் ரத்து செய்யப்பட்டன. படப்பிடிப்புகள் ரத்து செய்யப்பட்டதை அடுத்து திரைப் பிரபலங்கள் தங்களது வீடுகளில் குடும்பத்தினருடன் நேரத்தை செலவழித்து வருகின்றனர்.
இதனையடுத்து தற்போது மத்திய மாநில அரசுகள் பல்வேறு நிபந்தனைகளுடன் படப்பிடிப்பை தொடங்கலாம் என அனுமதி அளித்துள்ளது. ஒரு சில மாநிலங்களில் சின்னத்திரை படப்பிடிப்புகள் தொடங்கப்பட்டு தொடர்ந்து நடைபெற்று வருகிறது.