குறைவான பயணிகளால் அயோத்தி விமான சேவை ரத்து!

சென்னை:சென்னை உள்நாட்டு விமான நிலையத்திலிருந்து இன்று காலை 8.35 மணிக்கு அயோத்திக்கு புறப்பட்ட வேண்டிய தனியார் பயணிகள் விமானம், அதேபோல் இரவு 8.55 மணிக்கு சென்னையிலிருந்து டெல்லி செல்லும் தனியார் பயணிகள் விமானம் ஆகிய 2 புறப்பாடு விமானங்களும், 2 வருகை விமானங்களான டெல்லியிலிருந்து காலை 8.05 மணிக்கு சென்னை வரும் தனியார் பயணிகள் விமானம் மற்றும் இரவு 8.55 மணிக்கு அயோத்தியிலிருந்து சென்னை வரும் தனியார் பயணிகள் விமானம் என மொத்தம் 4 விமானங்கள் போதிய பயணிகள் இல்லாத காரணத்தால் இன்று ரத்து செய்யப்பட்டுள்ளன.

இதனையடுத்து, முன்பதிவு செய்திருந்த பயணிகளுக்கு மாற்று விமானங்களிளோ அல்லது வேறு தேதிக்கோ பயணங்களை மாற்றி அமைப்பது குறித்து அறிவிக்கப்படும் என சென்னை விமான நிலைய அதிகாரிகள் தரப்பில் கூறுகின்றனர்.