சேலம்: திமுக இளைஞரணியின் இரண்டாம் மாநில மாநாடு சேலம் பெத்தநாயக்கன்பாளையம் பகுதியில் இன்று (ஜன.21) காலை தொடங்கி நடைபெற்று வருகிறது. இந்த மாநாட்டில் கலந்து கொள்பவர்களுக்காக, தடபுடலாக அசைவ மற்றும் சைவ உணவுகள் இரவு பகலாகத் தயாரிக்கப்பட்டது. மட்டன் பிரியாணி, சில்லி சிக்கன் உள்ளிட்ட ஐந்து வகைகள் அடங்கிய அசைவ உணவுகளும், சைவத்தில் வெஜ் பிரியாணி, கோபி சில்லி உள்ளிட்ட நான்கு வகைகளும் பேக்கிங் செய்யப்பட்டு உள்ளது.
இந்த நிலையில் மாநாடு நடைபெற்றுக் கொண்டிருக்கும் பொழுதே உணவு வழங்கும் இடத்தில் குவிந்த ஆயிரக்கணக்கான தொண்டர்கள் ஒருவருக்கு ஒருவர் வரிசையில் நின்று உணவுகளை வாங்கி வருகின்றனர். ஒவ்வொருவரும் இரண்டு மூன்று பிரியாணிகளை வாங்கி வருவதால் உணவு வழங்கும் இடத்தில் கடுமையான தள்ளுமுள்ளு ஏற்பட்டு உள்ளது. இதனிடையே, விளையாட்டுத் துறை அமைச்சர் உதயநிதி ஸ்டாலின் மாநாட்டுச் சிறப்பு உரை மற்றும் தீர்மானம் குறித்துப் பேசினார்.