தென்காசி:நடந்த முடிந்த 18வது மக்களவைத் தேர்தலில் தென்காசி தொகுதியில் அதிமுக கூட்டணியில் போட்டியிட்ட புதிய தமிழகம் கட்சியின் நிறுவனத் தலைவர் டாக்டர்.கிருஷ்ணசாமி 2 லட்சத்து 29 ஆயிரத்து 480 வாக்குகள் பெற்றார். அதாவது மொத்தம் பதிவான வாக்குகளில் 22 சதவீதம் ஓட்டுகளை பெற்று வெற்றி வாய்பை இழந்தார்.
இந்த முறையுடன் சேர்த்து டாக்டர். கிருஷ்ணசாமி தென்காசி மக்களவை தொகுதியில் தொடர்ந்து 7 முறை போட்டியிட்டார். கடந்த 1998, 1999, 2004, 2009, 2014, 2019 ஆகிய ஆண்டுகளில் நடைபெற்ற மக்களவை தேர்தல்களில் தென்காசி தொகுதியை குறிவைத்துப் போட்டியிட்ட அவர் அனைத்திலும் வெற்றி வாய்ப்பை இழந்தார்.